മംഗളൂരു: നിസ്സാര കാര്യത്തിന്റെ പേരിൽ യുവാവിനെ കുത്തിക്കൊലപ്പെടുത്തിയ സംഭവം നാല് സുഹൃത്തുക്കൾ പിടിയിൽ. ശിവനഗര കോടികലിലെ നിസര്‍ഗ (19) കുത്തിക്കൊലപ്പെടുത്തിയ കേസിൽ സുഹൃത്തുക്കളായ വീരനഗരയിലെ പുനീത് എന്ന പച്ചു, പ്രകാശ് ഷെട്ടി, ശരത്, നിഖില്‍ എന്നിവരെയാണ് കങ്കനാടി പോലീസ് അറസ്റ്റ് ചെയ്തത്.
ഈക്കഴിഞ്ഞ ശ്രീകൃഷ്ണ ജയന്തി ദിനത്തിലായിരുന്നു കൊലപാതകം നടന്നത്. ഘോഷയാത്ര കഴിഞ്ഞ് മടങ്ങവേ നിസര്‍ഗയും സുഹൃത്തുക്കളും ചെറിയ വാക്കുതര്‍ക്കത്തിലേര്‍പ്പെട്ടിരുന്നു. ഇതിനിടയില്‍ പ്രതികളില്‍ ഒരാളായ നിഖിലാണ് നിസര്‍ഗയെ കുത്തിയത്.ഗുരുതരമായി പരിക്കേറ്റ യുവാവിനെ മംഗളൂരുവിലെ ആശുപത്രിയില്‍ പ്രവേശിപ്പിച്ചുവെങ്കിലും ശനിയാഴ്ച മരണം സംഭവിക്കുകയായിരുന്നു.
Post Your Comments