പൂനൈ: പൂനൈക്ക് സമീപം ഖേഡ് ശിവാപുരില്‍ മര്‍ദനമേറ്റ് മലയാളിയായ ഹോട്ടലുടമ മരിച്ചു. കണ്ണൂര്‍ പെരളശ്ശേരി സ്വദേശി അബ്ദുല്‍ അസീസ് (56) ആണ് മരിച്ചത്. ഖേഡ് ശിവാപുരില്‍ കഴിഞ്ഞ 46 വര്‍ഷമായി സാഗര്‍ ഹോട്ടല്‍ നടത്തി വരികയാണ്.
ബുധനാഴ്ച രാവിലെ ഹോട്ടലിന്റെ സ്ഥലമുടമയും പെട്രോള്‍ പമ്പ് ഉടമയുമായ സഞ്ജയ് കോണ്ടേ അബ്ദുല്‍ അസീസുമായി അഴുക്ക് ചാലിനെപ്പറ്റി വാക്കുതര്‍ക്കത്തിലേര്‍പ്പെട്ടിരുന്നു. ഇതിനിടെ അസീസിനെ സഞ്ജയ് വടികൊണ്ട് അടിക്കുകയും ചവിട്ടുകയും ചെയ്തതായി അസീസിന്റെ മകന്‍ റയിസ് പറഞ്ഞു.
അബോധാവസ്ഥയിലായ അസീസിനെ അടുത്തുള്ള ആശുപത്രിയില്‍ കൊണ്ടുപോകുന്നതിനിടെ മരിച്ചു. മുൻപ് പലതവണ ഇയാൾ ഭീഷണിപ്പെടുത്തിയിട്ടുണ്ടെന്ന് റയിസ് പറഞ്ഞു. അബ്ദുല്‍ അസീസിന്റെ മൃതദേഹം പൂണെ സസൂണ്‍ ആശുപത്രിയില്‍ പോസ്റ്റ്മോര്‍ട്ടം നടത്തിയശേഷം പെരളശേരിയിലേക്ക് കൊണ്ടു പോയിഖേഡ് ശിവാപുര്‍ പോലീസ് കേസെടുത്ത് അന്വേഷണം ആരംഭിച്ചു.
Post Your Comments