ആധാര്‍ കാര്‍ഡിലെ പേരിലോ വിലാസത്തിലോ ഉള്ള തെറ്റ് ഓൺലൈനായി തിരുത്താൻ അവസരം. ധാറുപയോഗിച്ച്‌ ലോഗിന്‍ ചെയ്യുക, സ്വയം സാക്ഷ്യപ്പെടുത്തിയ രേഖകള്‍ അപ്ലോഡ് ചെയ്യുക, ബി.പി.ഒ സേവന ദാതാവിനെ തിരഞ്ഞെടുക്കുക എന്നീ ലളിതമായ മൂന്നു ഘട്ടങ്ങളാണ് ഇതിലുള്ളത്. ലോഗിന്‍ ചെയ്യാനാവശ്യമായ പാസ്വേഡ് ലഭിക്കാന്‍ ആധാറിനായി അപേക്ഷിച്ചപ്പോള്‍ നല്‍കിയ മൊബൈല്‍ നമ്പർ ഉപയോഗത്തിലുണ്ടാകണം.
യു.ഐ .ഡി.എ.ഐയുടെ വെബ്സൈറ്റിലെ അപ്ഡേറ്റ് ആധാര്‍ ഡീറ്റെയില്‍സിൽ 12 അക്ക ആധാര്‍ നമ്പര്‍ നല്‍കിയാല്‍ രജിസ്റ്റര്‍ ചെയ്തിരിക്കുന്ന മൊബൈല്‍ നമ്പറിലേക്ക് ലോഗിന്‍ ചെയ്യാനുള്ള ഒറ്റത്തവണ പാസ്വേഡ് ലഭിക്കും. നിര്‍ദിഷ്ട സ്ഥലത്ത് ഇൗ ഒ.ടി.പി നല്‍കി ലോഗിന്‍ ചെയ്യണം. തുടര്‍ന്ന് വരുന്ന പേജിൽ തുടര്‍ന്ന് അടുത്ത പേജില്‍ പേര്, വിലാസം, ലിംഗം, ജനനത്തീയതി, വിലാസം തുടങ്ങിയവയില്‍ ഏതിലാണ് മാറ്റംവരുത്തേണ്ടത് എന്നത് സെലക്ട് ചെയ്യാം. തുടര്‍ന്ന് ശരിയായ വിവരങ്ങൾ നൽകാം.
ഇതിനുശേഷം ആവശ്യപ്പെടുന്ന തിരുത്തല്‍ സാധൂകരിക്കുന്ന രേഖകള്‍ സമര്‍പ്പിക്കണം . അംഗീകൃത രേഖകളുടെ സ്കാന്‍ ചെയ്ത് സ്വയം സാക്ഷ്യപ്പെടുത്തിയ കോപ്പികളാണ് അപ്ലോഡ് ചെയ്യേണ്ടത്. തുടര്‍ന്ന് തിരുത്തലിനാവശ്യമായ സമയവും ബി.പി.ഒ സേവനദാതാക്കളെയും സിസ്റ്റം കാട്ടിത്തരും. ഇതുകൂടി തിരഞ്ഞെടുത്താല്‍ അപ്ഡേറ്റ് റിക്വസ്റ്റ് നമ്പര്‍ (യു.ആര്‍.എന്‍) ലഭ്യമാവും. ഇത് പ്രിന്റെടുക്കുകയോ ഡൗണ്‍ലോഡ് ചെയ്യുകയോ ചെയ്യാം. ഇതുപയോഗിച്ച്‌ അപേക്ഷയുടെ തല്‍സ്ഥിതി ഈ നമ്പർ ഉപയോഗിച്ച് പിന്നീട് കണ്ടെത്താനാകും.
Post Your Comments