കുമ്പള: ഗൾഫിലേക്ക് കടത്താൻ ശ്രമിച്ച പുകയില ഉൽപ്പന്നങ്ങളുമായി രണ്ട് പേർ പിടിയിൽ. ബായാര്‍ പദവിലെ മുഹമ്മദ് (40), ഇബ്രാഹിം(50) എന്നിവരാണ് കുമ്പള എക്സൈസ് സ്ക്വാഡിന്റെ പിടിയിലായത്. ഇവര്‍ സഞ്ചരിച്ച കാറില്‍ നിന്നും 25 കിലോ പുകയില ഉല്‍പന്നങ്ങള്‍ എക്സൈസ് സംഘം കണ്ടെത്തി.
രഹസ്യ വിവരം ലഭിച്ചതിനെ തുടര്‍ന്നായിരുന്നു എക്സൈസ് പരിശോധന നടത്തിയത്. എക്സൈസ് ഇന്‍സ്പെക്ടര്‍ എസ് ഷിജു, സിവില്‍ ഓഫീസര്‍മാരായ രാജന്‍, അബ്ദുല്ല, നൗഷാദ്, സജിത്ത്, പ്രിജിത്ത്, ശ്രീകാന്ത്, സുധീന്ദ്രന്‍, ഡ്രൈവര്‍ മൈക്കിള്‍ എന്നിവരുടെ നേതൃത്വത്തിലായിരുന്നു പരിശോധന.
Post Your Comments