ഇന്ത്യന്‍ ക്രിക്കറ്റ് താരം യുവരാജ് സിങ്ങിന് പ്രധാനമന്ത്രി നരേന്ദ്രമോദിയുടെ കത്ത്. യുവരാജ് സിങ്ങിന്റെ ചാരിറ്റി സംഘടനയായ ‘യുവിക്യാന്‍’ നിലൂടെ ചെയ്യുന്ന സാമൂഹ്യ പ്രവര്‍ത്തനങ്ങളെ വാനോളം പുകഴ്ത്തികൊണ്ടാണ് മോദി യുവരാജ് സിങ്ങിന് കത്ത് അയച്ചിരിക്കുന്നത്.
ക്യാന്‍സറിനെ തോല്‍പ്പിച്ച ഒരു ക്രിക്കറ്റ് താരമെന്ന നിലയില്‍ രാജ്യത്തെ നിരവധി പേർക്ക് യുവരാജ് പ്രചോദനമാകുമെന്നും സാമൂഹ്യ പ്രവര്‍ത്തനങ്ങളില്‍ താരത്തിനുള്ള അഭിനിവേശത്തെപ്പറ്റി അറിഞ്ഞതില്‍ സന്തോഷമുണ്ടെന്നും പ്രധാനമന്ത്രി വ്യക്തമാക്കി. താങ്കളുടെ സംഘടനയിലൂടെ സാമൂഹ്യ പ്രവർത്തനങ്ങൾ തുടരട്ടെ എന്നും മോദി കൂട്ടിച്ചേർത്തു. കത്ത് കിട്ടിയതിന് പിന്നാലെ യുവരാജ് പ്രധാനമന്ത്രിയുടെ സന്തോഷം പങ്കുവെച്ച് ഇൻസ്റ്റഗ്രാമില്‍ കത്ത് ഷെയര്‍ ചെയ്യുകയും ചെയ്‌തു.
Post Your Comments