ബലി മൃഗങ്ങളുടെ ഡിമാന്റ് കൂടുന്നു, ഒപ്പം വിലയും

ബലി പെരുന്നാളിന്​ ഇനി ഒരു ദിവസം മാത്രം. എന്നാല്‍ ബലി കൊടുക്കുന്ന മൃഗങ്ങൾക്ക്​ വൻ ഡിമാന്റ്​. ഇന്ത്യയിൽ നിന്ന്​ എത്തിക്കുന്നതും യു.എ.ഇയിലെ നജ്​ദി, നഈമി ഇനം ആടുകൾക്കാണ് ഏറ്റവും ഡിമാന്റ്. ഇതോടൊപ്പം വിലയും കൂടുതലാണ്​.

ഇന്ത്യയിൽ നിന്ന്​ സാധാരണയായി ആടുമാടുക​ളെ യു.എ.ഇയിലേക്ക്​ കൊണ്ടുപ്പോവുന്നത് കപ്പൽ മാർഗമാണ്. എന്നാൽ ചൂടുകാലത്ത്​ ഇവയെ എയർ കാർഗോയിലാണ്​ എത്തിക്കുന്നത്​. കഴിഞ്ഞ മാസം വരെ 700 ദിർഹത്തിന്​ ലഭിച്ചിരുന്ന ചെറിയ ആടുകൾക്കും ചെമ്മരിയാടുകൾക്കും ഇപ്പോൾ 1000 മുതൽ1200 വരെയാണ്​ വില. ദുബൈയിലും അബൂദബിയിലും ഷാർജയിലും ബലി കർമങ്ങൾക്കായി പ്രത്യേക സൗകര്യങ്ങള്‍ നഗരസഭ ഒരുക്കിയിട്ടുണ്ട്. എന്നാൽ വീടുകളിലോ പൊതുസ്ഥലങ്ങളിലോ അറവ്​ നടത്താൻ അനുവദിക്കില്ല. കൂടാതെ, ദുബൈ നഗരസഭാ ലൈസൻസ്​ ഉള്ള അറവുകാർ പുറത്തു പോയി അറവു നടത്തിയാൽ 2000 ദിർഹവും പിഴ ചുമത്തും.