മയക്കുമരുന്ന് കടത്തിയതിന് മൂന്ന് ഏഷ്യക്കാര്‍ അറസ്റ്റില്‍

ദുബായ്: മയക്കുമരുന്ന് കള്ളക്കടത്ത് നടത്തിയതിന് മൂന്ന് ഏഷ്യക്കാര്‍ അറസ്റ്റില്‍. ദുബായ് പോലീസിന്റെ ആന്റി നാര്‍ക്കോട്ടിക് വിഭാഗമാണ് ഇവരെ അറസ്റ്റ് ചെയ്തത്. പ്രതികളില്‍ നിന്നും 25 kg കഞ്ചാവും 1,500 ഗ്രാം ക്രിസ്റ്റൽ മെത്താംഫിറ്റാമും (ഷാബു) പിടിച്ചെടുത്തു.

മയക്കുമരുന്ന് വാങ്ങാനെന്ന വ്യാജേനെയാണ് പോലീസ് സംഘത്തെ പിടികൂടിയത്. വില പേശലുകള്‍ക്ക് ഒടുവില്‍ ഇടപാടുകാരനായി എത്തിയ പോലീസുകാരന് മയക്കുമരുന്ന് കൈമാറുകയായിരുന്നു. ഈ സമയം ആന്റി നാര്‍ക്കോട്ടിക് സംഘം മയക്കുമരുന്ന് പിടിച്ചെടുക്കുകയും മൂവര്‍ സംഘത്തെ അറസ്റ്റു ചെയ്യുകയുമായിരുന്നു.