വെഞ്ഞാറമൂട് : ഗള്‍ഫിലേയ്ക്ക് മടങ്ങാനിരുന്ന യുവാവ് അപകടത്തില്‍ മരിച്ചു. ഇളയമ്പ പാറയടി മോട്ടയില്‍ ദിലീപ് ഭവനില്‍ ദിലീപ് (35) ആണ് മരിച്ചത്. ഇന്നലം രാവിലെ 10ന് വെഞ്ഞാറമ്മൂട്-ആറ്റിങ്ങല്‍ റോഡില്‍ വലിയ കട്ടക്കാല്‍ റോഡിലായിരുന്നു അപകടം. ബഹ്‌റിനില്‍ നിന്നും ഒരു മാസത്തെ അവധിയ്ക്ക് വന്ന ദിലീപ് നാളെ മടങ്ങാനിരിക്കെയാണ് അപകടം ഉണ്ടായത്.
ബൈക്കില്‍ പോകുകയായിരുന്ന ദിലീപ് മുന്നിലുണ്ടായിരുന്ന ബസിനെ മറികടക്കുന്നതിനിടെ ബസ് ബൈക്കിന്റെ ഹാന്‍ഡിലില്‍ തട്ടി ദിലീപ് റോഡിലേയ്ക്ക് തെറിച്ചുവീഴുകയും , പിന്നാലെ വന്ന കണ്ടയിനര്‍ ലോറി ദിലീപിന്റെ ദേഹത്തുകൂടി കയറുകയായിരുന്നു.
അപകടത്തില്‍ നിര്‍ത്താതെ പോയ ലോറിയെ വെഞ്ഞാറമ്മൂട് പൊലീസ് വിവരം നല്‍കിയതിനെ തുടര്‍ന്ന് ആറ്റിങ്ങല്‍ പൊലീസ് പിടികൂടുകയായിരുന്നു.
Post Your Comments