ചങ്ങനാശേരി : ക്രിസ്തുവിന്റെ പ്രതിമയുടെ കൈയിൽ എസ്എഫ്ഐയുടെ പതാകയുമായി നിൽക്കുന്ന ചിത്രം ഫെയ്സ് ബുക്കിൽ പ്രചരിച്ചത് വിവാദമാകുന്നു.ചങ്ങനാശേരി എസ്ബി കോളജ് മുറ്റത്തുള്ള യേശുക്രിസ്തുവിന്റെ പ്രതിമയിൽ കുരിശിന്റെ സ്ഥാനത്ത് എസ്എഫ്ഐയുടെ കൊടി പിടിച്ചിരിക്കുന്നതായാണ് ദൃശ്യം. എസ് ബി കോളേജിൽ യൂണിയൻ ഇലക്ഷനിൽ എസ് എഫ് ഐ വിജയിച്ചതിന്റെ അഹങ്കാരത്തിൽ എസ് എഫ് ഐ ചെയ്തതാണ് ഇതെന്ന് കെ എസ് യു പ്രവർത്തകർ ആരോപിച്ചു.
എന്നാൽ എസ്ബി കോളജിലെ വിദ്യാർഥിയല്ലാത്ത ഒരാൾ ഫെയ്സ് ബുക്കിൽ പോസ്റ്റ് ചെയ്ത ചിത്രവുമായി സംഘടനയ്ക്കു ബന്ധമില്ലെന്നു എസ് എഫ് ഐ നേതൃത്വം പറഞ്ഞു. കൂടാതെ ഈ ചിത്രം എസ് ബി കോളേജിലേതാണെന്നു എന്തടിസ്ഥാനത്തിലാണ് പറയുന്നതെന്ന് അറിയില്ലെന്നും എസ്എഫ്ഐ നേതൃത്വം അറിയിച്ചു.
Post Your Comments