ജിദ്ദ: സൗദിയില്‍ എവിടേയും മാസപ്പിറവി കാണാത്തതിനാല്‍ നാളെ ദുല്‍ഹജ്ജ് ഒന്നായി പരിഗണിക്കും. സൗദി സുപ്രിം കോടതിയാണ് ഇക്കാര്യം അറിയിച്ചത്. ഇതു പ്രകാരം ആഗസ്ത് 31ന് വ്യാഴാഴ്ചയാണ് അറഫാ ദിനം. ഹജ്ജിന്റെ സുപ്രധാനമായ അറഫ സംഗമം ഈ ദിവസമാണ് നടക്കുക. സപ്തംബര്‍ ഒന്ന് വെള്ളിയാഴ്ചയാണ് ബലി പെരുന്നാള്‍.
അതേ സമയം, ഇന്നലെ മാസപ്പിറവി കാണാ നിടയില്ലാത്തതിനാല്‍ ദുല്‍ഹജ്ജ് 1 ബുധനാഴ്ചയായിരിക്കുമെന്നും ആഗസ്ത് 31 വ്യാഴാഴ്ച്ച അറഫാ ദിനമായിരിക്കുമെന്നും ഖത്തര്‍ കലണ്ടര്‍ ഹൗസ് കഴിഞ്ഞ ദിവസം അറിയിച്ചിരുന്നു. ഇതു പ്രകാരം വെള്ളിയാഴ്ച്ച പെരുന്നാളായിരിക്കുമെന്നും ഗോളശാസ്ത്ര കണക്കുകള്‍ ഉദ്ധരിച്ച്‌ കലണ്ടര്‍ ഹൗസ് വ്യക്തമാക്കി.
Post Your Comments