ന്യൂഡല്‍ഹി: പുതിയ അമ്പതു രൂപ നോട്ടുകളുടെ ചിത്രങ്ങള്‍ വ്യാപകമായി സാമൂഹിക മാധ്യമങ്ങളില്‍ പ്രചരിക്കുന്നു. റിസര്‍വ്വ ബാങ്ക് പുറത്തിറക്കുന്ന പുതിയ നോട്ടുകളുടേതെന്ന പേരിലാണ് ചിത്രങ്ങള്‍ പ്രചരിക്കുന്നത്. പുതിയ 50 രൂപയുടെയും 20 രൂപയുടെയും നോട്ടുകള്‍ പുറത്തിറക്കുമെന്ന് നേരത്തെ റിസര്‍വ്വ് ബാങ്ക് പ്രഖ്യാപിച്ചിരുന്നു. ഇളം നീലനിറത്തിലുള്ള നോട്ടുകളാണ് പ്രചരിക്കുന്ന ചിത്രങ്ങളിലുള്ളത്. 2005 മഹാത്മാ ഗാന്ധി സീരീസിലുള്ള നോട്ടുകളാണ് ഇവ.
പ്രചരിക്കുന്ന ചിത്രങ്ങള്‍ പ്രകാരം തികച്ചും വ്യത്യസ്ത്യമായ രീതിയിലാണ് പുതിയ 50 രൂപ നോട്ടിന്റെ ഡിസൈന്‍. പുതിയ നോട്ടുകള്‍ പുറത്തിറക്കുമെന്ന് കഴിഞ്ഞ ഡിസംബറിലാണ് റിസര്‍വ് ബാങ്ക് അറിയിച്ചത്. ഇത് 2005 മഹാത്മഗാന്ധി സീരീസിലുള്ളതായിരിക്കുമെന്നും റിസര്‍വ്വ് ബാങ്ക് ഗവര്‍ണര്‍
ഉര്‍ജിത് പട്ടേലിന്റെ ഒപ്പോടുകൂടിയ നോട്ടുകളായിരിക്കുമെന്നും വ്യക്തമാക്കിയിരുന്നു. എന്നാല്‍ നിലവിലുള്ള നോട്ടുകളുടേതിന് സമാനമായ സുരക്ഷാ ക്രമീകരണങ്ങളായിരിക്കും നോട്ടുകളില്‍ ഉണ്ടായിരിക്കുകയെന്നും റിസര്‍വ്വ് ബാങ്ക് വ്യക്തമാക്കിയിരുന്നു. മൂല്യം കുറഞ്ഞ ചെറിയ നോട്ടുകളാണ് സര്‍ക്കാര്‍ കൂടുതലായി പുറത്തിറക്കാന്‍ ഉദ്ദേശിക്കുന്നത് എന്നാണ് ലഭിക്കുന്ന വിവരം.
Post Your Comments