എവിടെ അപകടം നടന്നാലും ജീവന്‍ രക്ഷാ മരുന്നുമായി ബുള്ളറ്റില്‍ എത്തും; കണ്ടുപഠിക്കാം ഈ യുവാവിനെ

എവിടെ അപകടം ഉണ്ടായാലും മരുന്നിന്റെ രൂപത്തിൽ നജിബ് സഹായം എത്തിച്ചിരിക്കും. അപകടങ്ങൾ നടക്കുമ്പോൾ രക്ഷക്കെത്തുന്ന ഈ മിടുക്കിനെ പരിഗണിച്ചു രണ്ട് വർഷം മുമ്പ് നജീബിന് പുരസ്കാരം ലഭിച്ചിരുന്നു. പാതയോരത്ത് അപകടം പിണയുമ്പോൾ മനക്കരുത്തോടെ പ്രഥമ ശുശ്രൂഷ നൽകാൻ ഓരോ യാത്രികനും തയ്യാറായാൽ അപകടമരണങ്ങൾ വലിയൊരളവിൽ കുറക്കാമെന്നാണ് നജീബ് അനുഭവസാക്ഷ്യം കൊണ്ട് തെളിയിക്കുന്നത്. ഇതിന് പുറമേ ബുള്ളറ്റിൽ ജീവൻരക്ഷാ കിറ്റുകളും ശുദ്ധജലവും സൂക്ഷിക്കാൻ പ്രത്യേക സംവിധാനം ഇദ്ദേഹം ഒരുക്കിയിട്ടുണ്ട് .ന്യൂജനറേഷൻ വാഹനങ്ങളെ കൂടുതൽ സ്റ്റെലിഷ് ആക്കുമ്പോഴാണ് ജനങ്ങളെ സേവിക്കാൻ കൂടുതൽ ഉപകാരപ്പെടുന്ന കാര്യങ്ങൾക്കായി നജീബ് മുന്നോട്ട് വരുന്നത്.
ഒട്ടെറെ പ്രതികൂലസാഹചര്യങ്ങളെ തള്ളിമാറ്റിയാണ് നജീബ് ഡിഗ്രി പൂർത്തിയാക്കിയത്. ഇടയ്ക്ക് തുറക്കുന്ന ഒരു ഷോപ്പാണ് നജീബിന്റെ ജീവിതമാർഗം. ഇത് ഇന്നത്തെ ഓരോ തലമുറയും വായിക്കേണ്ടതാണ്. ഞാനും നിങ്ങളും എല്ലാവരും ജീവിക്കുന്നത് ഈ സമൂഹത്തിലാണ്. പരസ്പരം സഹായിച്ചും സ്നേഹിച്ചും നമുക്ക് ജീവിക്കാം.