ഓടിക്കൊണ്ടിരിക്കുന്ന ബസിന് തീപ്പിടിച്ചു

തൊടുപുഴ•ഓടിക്കൊണ്ടിരുന്ന കെ.എസ്.ആര്‍.ടി.സി ബസിന് തീപ്പിടിച്ചു. തൊടുപുഴ പെരുമറ്റത്ത് ഉച്ചയ്ക്ക് 2.30 ഓടെയാണ് സംഭവം. പുറകുവശത്തെ ടയറിനോടു ചേര്‍ന്നാണ് തീപിടുത്തം ഉണ്ടായത്. 12 യാത്രക്കാരാണ് ബസില്‍ ഉണ്ടായിരുന്നത്. തീ ശ്രദ്ധയില്‍പ്പെട്ടയുടന്‍ എല്ലാവരും ബസില്‍ നിന്നും പുറത്തിറങ്ങിയതിനാല്‍ ആര്‍ക്കും പൊള്ളലേറ്റില്ല. ജീവനക്കാര്‍ നാട്ടുകാരുടെ സഹായത്തോടെ തീയണച്ചു.