കുറഞ്ഞ വിലയ്ക്ക് ഫോണുകൾ വാങ്ങാം ; ബിഗ് ഷോപ്പിങ്ങിലൂടെ

ന്യൂഡല്‍ഹി: ഓണ്‍ലൈന്‍ ഷോപ്പിംങ് സ്ഥാപനമായ ഫ്ലിപ്കാര്‍ട്ടില്‍ ഓഗസ്റ്റ് 9 മുതല്‍ ബിഗ് ഷോപ്പിംങ് തുടങ്ങുന്നു. ഓഗസ്റ്റ് 11 വരെയാണ് ബിഗ് ഷോപ്പിംഗ്. സ്മാര്‍ട്ട്ഫോണുകള്‍ക്കും മൊബൈല്‍ അനുബന്ധ വസ്തുക്കള്‍ക്കും വന്‍ ഓഫറുകള്‍ പ്രഖ്യാപിച്ചിട്ടുണ്ട്. ലാപ്ടോപ്പുകള്‍, സ്മാര്‍ട്ട് വാച്ചുകള്‍, ടെലിവിഷന്‍ സെറ്റുകള്‍ തുടങ്ങി ഉല്‍പ്പന്നങ്ങളെല്ലാം വില്‍പനയ്ക്കുണ്ട്.

റെഡ്മി നോട്ട് 4 ന് തന്നെയാകും വിൽപ്പനയിൽ മുൻഗണന. ഇതിന്റെ തന്നെ മൂന്നു വേരിയന്റ് ഹാന്‍ഡ്സെറ്റുകളും വില്‍പനയ്ക്കുണ്ടാകും. 4 ജിബി റാമും 64 ജിബി സ്റ്റോറേജുമായുള്ള റെഡ്മി നോട്ട് 4 എക്സ്ചേഞ്ചിന് പരമാവധി 12,000 രൂപ വരെ ലഭിക്കും. ആപ്പിള്‍ ഐഫോണ്‍ 6 പ്രത്യേക ഓഫര്‍ വിലയ്ക്ക് ലഭിക്കും. 32 ജിബി സ്റ്റോറേജ് വേരിയന്റിന് നിലവില്‍ ഫ്ലിപ്കാര്‍ട്ടില്‍ 29,500 രൂപ വിലയുണ്ട്. ഗൂഗിള്‍ പിക്സല്‍ എക്സ്‌എലിനും ഡിസ്കൗണ്ട് നല്‍കും. 67,900 രൂപ വിലയുള്ള 32 ജിബി സ്റ്റോറേജ് പതിപ്പിന് വില 48,999 രൂപയായിരിക്കും വില. കൂടാതെ ലെനോവോ കെ 6 പവര്‍ ഓഫര്‍ 8,999 രൂപയും, മോട്ടോ ജി 5 പ്ലസ് വില 16,999 രൂപ വിലയില്‍ നിന്ന് 14,999 രൂപയായി കുറയും. ലെനോവോ K5 നോട്ട് 9,999 രൂപയ്ക്കും ലഭിക്കും.