ഇടവേള ബാബുവിനെ ചോദ്യം ചെയ്യുന്നത് പൂര്‍ത്തിയായി

കൊച്ചി: നടി ആക്രമിക്കപ്പെട്ട കേസുമായി ബന്ധപ്പെട്ട് ഇടവേള ബാബുവിനെ ചോദ്യം ചെയ്യുന്നത് പൂർത്തിയായി. ഇന്ന് ആലുവ പോലീസ് ക്ലബിൽ വിളിച്ചു വരുത്തിയാണ് പോലീസ് ഇടവേള ബാബുവിനെ ചോദ്യം ചെയ്തത്. ചോദ്യം ചെയ്യൽ ഒന്നരമണിക്കൂർ നീണ്ടു നിന്നു.

അമ്മ സംഘടിപ്പിച്ച താരനിശയുമായി ബന്ധപ്പെട്ടായിരുന്നു ചോദ്യം ചെയ്യൽ എന്ന് ഇടവേള ബാബു വ്യക്തമാക്കി. റിഹേഴ്സൽ സമയത്തെ കാര്യങ്ങൾ ചോദിച്ചു. ഇതിന്റെ ചില രേഖകൾ അന്വേഷണ സംഘത്തിനു കൈമാറിയെന്നും അദ്ദേഹം അറിയിച്ചു.