ചെന്നൈ: തിയേറ്റിൽ നിന്നും പലപ്പോഴും പ്രേക്ഷകർ ഇറങ്ങിപോകുന്നത് പതിവാണ്. സിനിമ ഇഷ്ടമാകാത്ത സന്ദർഭത്തിലാണ് ഇത് സംഭവിക്കുന്നത്. പക്ഷേ തമിഴകത്തെ സൂപ്പർ താരമായി വാഴുന്ന സ്റ്റാലിന്റെ കാര്യം അല്പം കഷ്ടമാണ്. കക്ഷിയുടെ സിനിമ ഇഷ്ടപ്പെടാത്ത ഇറങ്ങിപോയത് സ്വന്തം ഭാര്യയാണ്. താരം തന്നെയാണ് ഇക്കാര്യം വെളിപ്പെടുത്തിയത്. തന്‍റെ ചില ചിത്രങ്ങൾ കണ്ട് സംവിധായിക കൂടിയായ ഭാര്യ കൃതിക ഇടയ്ക്കുവച്ച് ഇറങ്ങിപ്പോയെന്നാണ് താരം പറയുന്നത്.
ഈ സിനിമകളുടെ പേര് എനിക്ക് പറയാൻ കഴിയില്ല. ഒരു സിനിമ ചെയ്തതിന് ഭാര്യ എന്നെ വഴക്ക് പറഞ്ഞിട്ടുണ്ട്. സിനിമ പാതിയായ സമയത്ത് ഭാര്യ തിയേറ്റിൽ നിന്നും ഇറങ്ങി പോയിട്ടുണ്ട്. സിനിമ ഏതാണെന്ന് പ്രേക്ഷകർക്ക് മനസ്സിലായിട്ടുണ്ടാകും. എന്നാൽ, നല്ല ചിത്രങ്ങളെ പ്രകീർത്തിക്കാനും അവർ മടിക്കാറില്ല.
സിനിമയെ പറ്റി സത്യസന്ധമായാണ് ഭാര്യ അഭിപ്രായം പറയുന്നത്. ഞാൻ അഭിനയിക്കുന്ന എല്ലാ സിനിമകളുടെയെല്ലാം കഥ അവർ കേൾക്കാറുണ്ട്. കഥ കേട്ടുകഴിഞ്ഞാൽ ഞാൻ അതിന്‍റെ അഭിപ്രായം ചോദിക്കും. സിനിമയുടെ ഫസ്റ്റ് കോപ്പി ആയാൽ അതും കാണിക്കും. അതിനെക്കുറിച്ചുള്ള അഭിപ്രായവും തുറന്നുപറയും-ഉദയനിധി പറഞ്ഞു.
ഡി.എം.കെ. നേതാവ് എം.കെ. സ്റ്റാലിന്റെ മകനാണ് ഉദയനിധി സ്റ്റാലിന്‍. മലയാളത്തിൽ ഹിറ്റായ മഹേഷിന്‍റെ പ്രതികാരത്തിന്‍റെ തമിഴ് റീമേക്കിലാണ് താരം ഇപ്പോൾ അഭിനയിക്കുന്നത്. പ്രിയദർശനാണ് സംവിധായകൻ. ചിത്രത്തിൽ നായിക കഥാപാത്രമാകുന്നത് നമിത പ്രമോദാണ്.
Post Your Comments