കൊച്ചി: കൊച്ചിയില്‍ പ്രമുഖ നടി ആക്രമിക്കപ്പെട്ട സംഭവത്തില്‍ അന്വേഷണം കൂടുതല്‍ പ്രമുഖരിലേക്ക്. സിനിമാ മേഖലയില്‍ നിന്നും അനവധി പേരെ ഇതിനകം കേസില്‍ പോലീസ് ചോദ്യം ചെയതു. ഇപ്പോള്‍ അന്വേഷണ ഗായികയായ റിമി ടോമിയിലേക്ക് നീളുകയാണ്. നടന്‍ ദിലീപുമായി റിമിക്ക് അടുത്ത ബന്ധമുണ്ടായിരുന്നതായി പോലീസിനു വിവരം ലഭിച്ചു. അതിനാല്‍ ഇതുമായി ബന്ധപ്പെട്ട് പോലീസ് റിമി ടോമിയെ ചോദ്യം ചെയ്‌തേക്കും.
റിമിക്ക് ദിലീപുമായി റിയല്‍ എസ്റ്റേറ്റ് ബന്ധങ്ങളുണ്ടെന്ന് പോലീസിന് വിവരം ലഭിച്ചു. ഈ വിഷയത്തില്‍ കൂടുതല്‍ വിവരങ്ങള്‍ അറിയനാണ് ചോദ്യം ചെയുന്നത്. ആക്രമിക്കപ്പെട്ട നടിയും റിമിയും മുമ്പ് തമ്മില്‍ അടുത്ത സൗഹൃദമുണ്ടായിരുന്നു. പിന്നീട് ഇവര്‍ തമ്മില്‍ അകല്‍ച്ചയുണ്ടായെന്നുമുള്ള തരത്തില്‍ റിപ്പോര്‍ട്ടുകള്‍ പുറത്തുവന്നിരുന്നു. കാവ്യയുമായും റിമിക്ക് അടുത്ത ബന്ധമാണുള്ളത്. ചോദ്യംചെയ്യാന്‍ തീരുമാനിച്ചതോടെ റിമിയോട് വിദേശത്തേക്ക് പോകരുതെന്ന് പോലീസ് നിര്‍ദേശിച്ചതായാണ് വിവരം ലഭിക്കുന്നത്.
ദിലീപിന്റെ വീട്ടില്‍ റെയ്ഡ് നടന്ന വേളയില്‍ റിമിയുടെ വീട്ടിലും എന്‍ഫോഴ്‌സ്‌മെന്റ് റെയ്ഡ് പരിശോധന നടത്തിയിരുന്നു. ഭൂമിയിടപാടുകള്‍ സംബന്ധിച്ച് ഏതാനും രേഖകള്‍ അന്ന് കണ്ടെടുത്തിരുന്നതായാണ് സൂചനകളുണ്ട്.
Post Your Comments