പുണെ: അപകടത്തില്‍പെട്ട് നടുറോഡില്‍ ജീവന് യാചിച്ച്‌ ഏറെനേരം കിടന്ന 25കാരനായ സോഫ്റ്റ്വെയര്‍ എന്‍ജിനീയർക്ക് ദാരുണാന്ത്യം. മൊബൈലില്‍ ചിത്രം പകര്‍ത്താന്‍ മത്സരിച്ച കാഴ്ചക്കാരുടെ മുന്നില്‍ എൻജിനീയർ പിടഞ്ഞുമരിച്ചു. രാജ്യത്തെ നടുക്കിയ അപകടം നടന്നത് പുണെ നഗരത്തിലെ ഭൊസാരിയില്‍ ഇന്ദ്രയാനി നഗര്‍ കോര്‍ണറിലാണ്. നാട്ടുകാരുടെ കടുത്ത അനാസ്ഥ മൂലം മരിച്ചത് സതീഷ് പ്രഭാകര്‍ മെട്ടെ എന്ന യുവാവാണ്.
എന്‍ജിനീയറെ ബുധനാഴ്ച വൈകീട്ടാണ് വാഹനം ഇടിച്ചിട്ട് കടന്നത്. മുഖവും മറ്റു ഭാഗങ്ങളും ചോരയില്‍ കുളിച്ച്‌ റോഡില്‍ കിടന്ന യുവാവിന്റെ ചിത്രങ്ങള്‍ പകര്‍ത്താനും വിഡിയോ എടുക്കാനും മറ്റുമാണ് ആളുകൾ മത്സരിച്ചവത്. ഇവരാരും ഇയാളെ ആശുപത്രിയിലെത്തിക്കാന്‍ താല്‍പര്യം കാണിച്ചില്ല. ഏറെ നേരം കഴിഞ്ഞ് ഇതുവഴി വന്ന സമീപത്തെ ആശുപത്രിയിലെ ഡോക്ടര്‍ യുവാവിനെ ആശുപത്രിയിലേക്ക് മാറ്റിയെങ്കിലും രക്ഷിക്കാനായില്ല. തലക്ക് ഗുരുതര പരിക്കേറ്റതാണ് മരണ കാരണം.
Post Your Comments