തൃശൂർ : കൊച്ചിയില്‍ ആക്രമിക്കപ്പെട്ട നടിയുടെ പേരില്‍ വ്യാജവീഡിയോ. സോഷ്യല്‍ മീഡിയ വെബ്സൈറ്റായ ഫേസ്ബുക്കിലൂടെയാണ് വീഡിയോ പ്രചരിപ്പിക്കപ്പെടുന്നത്. ‘എല്ലാവരോടും നന്ദി പറയുന്നു’ എന്ന വിഡിയോയാണ് പ്രചരിക്കുന്നത്.
നടിയുടെ സഹോദരന്‍ തന്നെ ഈ വീഡിയോ വ്യാജമാണ് എന്ന് പറഞ്ഞ് രംഗത്തെത്തിയിട്ടുണ്ട്. നടിയുടെ പേര് പറഞ്ഞാണ് സഹോദരന്‍ ഇക്കാര്യം ഫേസ്ബുക്കില്‍ എഴുതിയിരിക്കുന്നത്.
നടിക്ക് ഫേസ്ബുക്ക്‌ പേജ് ഉണ്ടായിരുന്നുവെങ്കിലും പിന്നീടത് ഇല്ലാതാക്കി. പക്ഷേ ഒഫീഷ്യൽ എന്ന പേരിൽ പേജ് പുറത്തു വന്നു. ഈ പേജിലാണ് ഇപ്പോൾ നന്ദി പ്രകടിപ്പിച്ചിരുന്നത്. ഇതു പണ്ട് ഏതോ ആവശ്യത്തിനു നന്ദി പ്രകടിപ്പിച്ചതിന്റെ വിഡിയോ ദൃശ്യമാണ്. ഇപ്പോഴത്തെ അറസ്റ്റിൽ നന്ദി രേഖപ്പെടുത്തുന്നു എന്ന രീതിയിലാണ് ഈ വിഡിയോ പോസ്റ്റു ചെയ്തിരിക്കുന്നത്.
Post Your Comments