കൊച്ചിയിൽ യുവനടിയെ ആക്രമിച്ച കേസിൽ ദിലീപ് അറസ്റ്റിലായതോടെ ഗൂഗിളിലും നടൻ ട്രന്റിങ് വിഷയമായി. സാമൂഹ്യമാധ്യമങ്ങളിലെ ചർച്ചയിൽ ദിലീപിന്റെ അറസ്റ്റ് ചർച്ചയായി.
രണ്ടു ദിവസമായി ട്വിറ്ററിലെയും ഫെയ്സ്ബുക്കിലെയും ട്രന്റിങ് വിഷയം ദിലീപിന്റെ അറസ്റ്റും തുടർനടപടികളുമാണ്. ദിലീപിന്റെ അറസ്റ്റുമായി ബന്ധപ്പെട്ടുള്ള ട്രോളുകൾ സാമൂഹ്യമാധ്യമങ്ങളിൽ തരംഗമാക്കുകയാണ്. കോമഡി വീഡിയോകളും സിനിമാ ഗാനങ്ങൾ അടക്കമുള്ള ട്രോളുകളും ദിലീപിനെ പരഹസിക്കുന്നു.
ദേശീയ മാധ്യമങ്ങളിലും വാർത്ത വന്നതോടെ ഗൂഗിൾ സെർച്ചിലും ദിലീപ് ട്രന്റിങ് പട്ടികയിൽ ഇടംപിടിച്ചു. കഴിഞ്ഞ നവംബറിൽ നടന്ന ദിലീപ്–കാവ്യ വിവാഹം ഗൂഗിൾ സെർച്ചിങ് ട്രന്റിങ്ങിൽ ഏറെ മുന്നിലായിരുന്നു. അമേരിക്ക, ഗൾഫ് രാജ്യങ്ങളിൽ നിന്നാണ് ഏറ്റവുമധികം സെർച്ച് ദിലീപിനെ തേടി എത്തുന്നത്.
Post Your Comments