ഭാഗ്യം കടാക്ഷിച്ചു; മലയാളി യുവാവിന് ഒരു കോടിയുടെ കാര്‍ സ്വന്തം

കോഴിക്കോട്: ബഹ്റെനില്‍ കോഴിക്കോട്ടുകാരന് ഒരുകോടി രൂപയുടെ കാർ സമ്മാനമായി ലഭിച്ചു. ബഹ്റെനില്‍ ഡ്യൂട്ടിഫ്രീ ഷോപ്പ് നടത്തിയ ടിക്കറ്റ് നറുക്കെടുപ്പിൽ പയ്യോളിക്കാരനായ വിവേക് ബിജുവിനെയാണ് ഭാഗ്യം കടാക്ഷിച്ചത്.

60 ദിനാര്‍ നല്‍കിയാണ് ഡ്യൂട്ടിഫ്രീ ഷോപ്പിന്റെ ടിക്കറ്റ് ബിജു വാങ്ങിയത്. രണ്ടാം തവണ എടുത്ത ടിക്കറ്റിലാണ് ഭാഗ്യം ബിജുവിനെ തേടിയെത്തിയത്. കഴിഞ്ഞദിവസമാണ് ടിക്കറ്റ് നറുക്കെടുപ്പ് നടന്നത്.