ക്ഷേത്രത്തില്‍ വെടിക്കെട്ടിനിടെ അപകടം. അഞ്ച് സ്ത്രീകള്‍ക്ക് പരിക്ക്.

ആലപ്പുഴ: മുഹമ്മ കായിപ്പുറം കരന്ത് പുരയ്ക്കല്‍ ക്ഷേത്രത്തിലെ പ്രതിഷ്ഠാ ചടങ്ങിനിടെയാണ് സംഭവം. ഇതിനോട് അനുബന്ധിച്ച് നടത്തിയ വെടിക്കെട്ടിലാണ് അപകടം നടന്നത്. പ്രതിഷ്ഠാ ചടങ്ങിന് എത്തിയ ഭക്തര്‍ക്കാണ് വെടിക്കെട്ടിനിടെ പരിക്കേറ്റത്. പരിക്കേറ്റ അഞ്ച് സ്ത്രീകളെ മുഹമ്മ ആശുപത്രിയിലും, ഒരാളെ ചേര്‍ത്തല ആശുപത്രിയിലും പ്രവേശിപ്പിച്ചു. ആരുടെയും പരിക്ക് ഗുരുതരമല്ല.