കാരുണ്യത്തിന്റെ മാലാഖമാർ ചിരിക്കട്ടെ

രാത്രിയെന്നോ പകലെന്നോ വ്യത്യാസമില്ലാതെ തന്റെ മുന്നിലെത്തുന്ന പല സ്വഭാവക്കാരായ വ്യക്തികളെ പരിചരിക്കുന്നവരാണ് നേഴ്‌സുമാർ. ജോലിക്കിടയിൽ പലതരത്തിലുള്ള ദുരനുഭവങ്ങളും ഇവർക്ക് നേരിടേണ്ടി വന്നിട്ടുണ്ടാവാം. എങ്കിലും പലരും ഈ മേഖലയിൽ എത്തിപ്പെട്ടിട്ടുണ്ടെങ്കിൽ അതിനു പിറകിൽ അവരുടെ ഒരുമാസത്തെ ശമ്പളം പ്രതീക്ഷിച്ചിരിക്കുന്ന ഒരു കുടുംബമുണ്ടാകാം. ജീവിതത്തിന്റെ കഷ്ടപ്പാടുകളുണ്ടാവാം. പലപ്പോഴു൦ ഇവർക്കു ലഭിക്കുന്ന ശമ്പളം വളരെ തുച്ഛമാണ്. കാരുണ്യത്തിന്റെ മാലാഖമാർ അല്ലേ സേവനമാണ് പ്രധാനം എന്നൊക്കെ പറയുന്നവർ ഉണ്ട് ഈ സമൂഹത്തിൽ. ആശുപതികളിൽ മരുന്നെടുക്കാൻ ഒരൽപം താമസിച്ചാൽ, രോഗിക്കാവശ്യമായ കാര്യങ്ങൾ ചെയ്യാൻ വൈകിയാൽ ഇവർക്കുനേരെ കലിതുള്ളുന്നവരും ചുരുക്കമല്ല . ഇവരുടെ ഈ സഹനത്തെ സേവനത്തിന്റെ പട്ടികയിൽ ഉൾപ്പെടുത്തുന്നവരുടെയും ശമ്പളം കൂട്ടിച്ചോദിക്കുമ്പോൾ കുടുംബത്തുള്ളവരെ സ്മരിക്കുന്ന മാനേജുമെന്റുകളും മുന്നിലേക്ക് ഒരു ചോദ്യം. ഇവരും മനുഷ്യരല്ലേ? നിങ്ങൾക്കുള്ളതുപോലെ തന്നെ അച്ഛനും അമ്മയും സഹോദരങ്ങളും ഓക്കേ ഇവർക്കുമില്ലേ ? …

പലപ്പോഴു തങ്ങള്കുടെ ജീവിതത്തിലെ പ്രശ്നങ്ങളും പ്രാരാബ്ധങ്ങളും ഒരു ചിരിയിലൂടെ മറയ്ക്കാൻ ശ്രമിക്കുന്നവരാണ് ഇവർ. തന്റെ മുന്നിലെത്തുന്നവരെ ഒരു മടിയുംകൂടാതെ പരിചരിക്കുന്ന ഈ മാലാഖമാരുടെ മുഖത്തുയരുന്ന നിഷ്കളങ്കമായ പുഞ്ചിരികൾ മായാതിരിക്കണം. ഇവരുടെ ജോലിക്ക് അർഹമായ വേതനം ലഭ്യമാക്കണം. അതിനാവശ്യമായ നടപടികളാണ് ആവശ്യം.