പ്രതിഫലത്തിന്റെ ഒരു വിഹിതം നേഴ്സുമാരുടെ സമരത്തിനു നൽകി നടന്‍ ബിനീഷ് ബാസ്റ്റിൻ

തൃശൂര്‍: നഴ്സുമാരുടെ സമരത്തിന് പിന്തുണ അറിയിച്ച് നടന്‍ ബിനീഷ് ബാസ്റ്റിന്‍. തന്റെ ഫേസ്ബുക്ക് പോസ്റ്റിലൂടെയാണ് വെള്ള വസ്ത്രം ധരിച്ച മാലാഖമാർക്ക് അദ്ദേഹം പിന്തുണ അറിയിച്ചത്. സമരം ചെയ്യുന്ന നേഴ്സുമാര്‍ക്ക് സിനിമയില്‍ നിന്നുള്ള വരുമാനത്തിന്റെ ഒരു വിഹിതം നല്‍കുമെന്ന് അദ്ദേഹം അറിയിച്ചു.

തന്റെ പിതാവിന്റെ മരണ സമയത്തും അദ്ദേഹത്തെ പരിചരിച്ച മാലാഖമാരുടെ പരിചരണം താൻ നേരിൽ കണ്ടതാണെന്നും രോഗികളുടെ ശരീരത്തിലെ മാലിന്യങ്ങള്‍ ഒരു അറപ്പും കൂടാതെ നീക്കം ചെയ്യുന്ന ഭൂമിയിലെ മാലാഖമാരോടുള്ള അവഗണന സഹിക്കാന്‍ പറ്റുന്നതല്ലെന്ന് ബിനീഷ് ഫേസ്ബുക്ക് പോസ്റ്റില്‍ പറഞ്ഞു.

നമ്മുടെ രാജ്യത്ത് മാത്രമാണ് നേഴ്സുമാര്‍ക്ക് ഇത്രയും പ്രശ്നങ്ങള്‍ നേരിടേണ്ടി വരുന്നതെന്ന് അദ്ദേഹം ചൂണ്ടിക്കാട്ടുന്നു. നീതിക്കും നിലനില്‍പ്പിനും ഉപജീവനത്തിനും വേണ്ടിയുള്ള നേഴ്സുമാരുടെ സമരത്തിനെ പൂര്‍ണ്ണമായും പിന്തുണയ്ക്കുന്നുവെന്നും ബിനീഷ് കൂട്ടിച്ചേര്‍ത്തു.

ഫേസ്ബുക്ക് പോസ്റ്റിന്റെ പൂർണ്ണ രൂപത്തിലേക്ക്;