നെടുമ്പാശ്ശേരി : ഖത്തറില്‍ നിന്ന് കേരളത്തിലേക്ക് അധിക സര്‍വീസുകളുമായി എയര്‍ഇന്ത്യ. ചെറിയ പെരുന്നാളും സ്കൂള്‍ അവധിയും പ്രമാണിച്ച്‌ ഖത്തറില്‍ നിന്ന് നാട്ടിലെത്താനുള്ളവരുടെ തിരക്ക് പരിഗണിച്ചാണ് എയര്‍ ഇന്ത്യ എക്സ്പ്രസ് നാലു അധിക വിമാന സര്‍വീസുകള്‍ കൂടി നടത്തുന്നത് . 24, 25, 30 തീയതികളിലും ജൂലൈ ഒന്നിനുമാണ് ദോഹയില്‍ നിന്ന് കൊച്ചിയിലേക്കും തിരുവനന്തപുരത്തേക്കുമുളള അധിക സര്‍വീസുകള്‍.
ദോഹാ സമയം ഉച്ചയ്ക്ക് 12.45ന് ദോഹയില്‍നിന്ന് കൊച്ചിയിലേക്ക് പുറപ്പെടുന്ന ഐഎക്സ് 574 വിമാനം വൈകുന്നേരം 7.40ന് കൊച്ചിയിലെത്തും. രാത്രി 8. 30ന് കൊച്ചിയില്‍നിന്ന് പുറപ്പെട്ട് 9.15ന് തിരുവനന്തപുരത്ത് എത്തും. തിരുവനന്തപുരം ദോഹ സര്‍വീസ് നടത്തുന്ന ഐഎക്സ് 573 വിമാനം രാവിലെ 10ന് പുറപ്പെടും. വിമാനം ദോഹാ സമയം 11.45ന് ദോഹയിലെത്തും.
Post Your Comments