കര്‍ഷകന്‍ ആത്മഹത്യ ചെയ്ത സംഭവം: ഉദ്യോഗസ്ഥരെ സസ്പെന്‍ഡ് ചെയ്യുമെന്ന് കളക്ടര്‍

കോ​ഴി​ക്കോ​ട്: നി​കു​തി സ്വീ​ക​രി​ക്കാ​ത്ത​തി​നെ സംബന്ധിച്ചുണ്ടായ ത​ർ​ക്ക​ത്തെ തു​ട​ർ​ന്ന് കർഷകൻ ജീവനൊടുക്കിയ സംഭവത്തിന് മരിച്ച കര്‍ഷകന്റെ ഭൂമിയുടെ കരം ഇന്ന് തന്നെ സ്വീകരിക്കുമെന്ന് കളക്ടര്‍ അറിയിച്ചു. ഉദ്യോഗസ്ഥരുടെ വീഴച്ച ബോധ്യപ്പെട്ടന്നും ഉദ്യോഗസ്ഥരെ സസ്പെന്‍ഡ് ചെയ്യുമെന്നും കളക്ടര്‍ പറഞ്ഞു.

നി​കു​തി സ്വീ​ക​രി​ക്കാ​ത്ത​തി​നെ സംബന്ധിച്ചുണ്ടായ ത​ർ​ക്ക​ത്തെ തു​ട​ർ​ന്ന് കർഷകൻ ജീവനൊടുക്കിയ സംഭവത്തിന് ഉത്തരവാദികൾ വില്ലേജ് ഓഫീസ് ഉദ്യോഗസ്ഥരാണെന്ന് ആരോപണം. മരിച്ച ജോ​യിയുടെ സഹോദരൻ ജോണിയാണ് ഇക്കാര്യം ആരോപിച്ചത്.

ജോയി ജീവനൊടുക്കിയത് ഉദ്യോഗസ്ഥ പീഡനം മൂലമാണ്. ഉദ്യോഗസ്ഥർക്ക് ജോയി ആത്മഹത്യാക്കുറിപ്പ് എഴുതി നൽകിയിരുന്നു. ഈ ആത്മഹത്യാക്കുറിപ്പ് വില്ലേജ് ഓഫീസ് ഉദ്യോഗസ്ഥർ ജോയിയുടെ ഭാര്യയെ വിളിച്ചു വരുത്തി കൈമാറിയിരുന്നുവെന്നും ജോണി പറഞ്ഞു.

ര​ണ്ടു വ​ർ​ഷ​മാ​യി ജോ​യി വി​ല്ലേ​ജ് ഓ​ഫീ​സി​നു മു​ന്നി​ൽ നി​കു​തി സ്വീ​ക​രി​ക്കു​ന്ന​തു​മാ​യി ബ​ന്ധ​പ്പെ​ട്ട് സ​മ​ര​ത്തി​ലാ​യി​രു​ന്നു. വി​ല്ലേ​ജ് ഓ​ഫീ​സി​ൽ കു​ടും​ബ​സ​മേ​തം നി​രാ​ഹാ​രം ഇ​രി​ക്കു​ക​യും ചെ​യ്തിരുന്നു. ഇ​തേ തു​ട​ർ​ന്ന് ത​ഹ​സീ​ൽ​ദാ​ർ ഇ​ട​പെ​ടു​ക​യും ഇ​യാ​ളു​ടെ നി​കു​തി സ്വീ​ക​രി​ക്കു​ന്ന​തി​നു​ള്ള ന​ട​പ​ടി ഉ​ണ്ടാ​കു​ക​യും ചെ​യ്തി​രു​ന്നു. എ​ന്നാ​ൽ വീ​ണ്ടും നി​കു​തി സ്വീ​ക​രി​ക്കാ​തെ വ​ന്ന​തോ​ടെ ജോ​യി ജീ​വ​നൊ​ടു​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു.