ബെയ്‌റൂട്ട്: ഇസ്രയേലിൽ ഐ.എസ് ആക്രമണം. ഒരു വനിതാ പോലീസ് ഉദ്യോഗസ്ഥ ജെറുസലേമില്‍ നടന്ന ഐ.എസ് ആക്രമണത്തിൽ കൊല്ലപ്പെട്ടു. പോലീസ് തിരിച്ച് നടത്തിയ വെടിവെപ്പില്‍ മൂന്ന് അക്രമികള്‍ കൊല്ലപ്പെട്ടതായും റിപ്പോർട്ടുണ്ട്. വെള്ളിയാഴ്ച ഉച്ചയോടെയായിരുന്നു സംഭവം നടന്നത്. ജെറുസലേമിലെ അല്‍ അക്‌സ പള്ളിയില്‍ വിശ്വാസികള്‍ പ്രാര്‍ത്ഥനയ്ക്ക് കയറിയപ്പോഴായിരുന്നു അറബ് വേഷത്തിലെത്തിയ മൂന്ന് അക്രമികള്‍ പോലീസ് ഉദ്യോഗസ്ഥര്‍ക്കെതിരെ വെടിവെച്ചത്.
ഹദാസ് മല്‍ക്ക(23) എന്ന വനിതാ പോലീസ് ഉദ്യോഗസ്ഥയാണ് കൊല്ലപ്പെട്ടത്. ആക്രമണത്തിന്റെ ഉത്തരാവാദിത്വം ഏറ്റെടുത്ത് ഐ.എസ് പിന്തുണയോടെയുള്ള ജിഹാദി ഗ്രൂപ്പ് വെബ്സൈറ്റിലൂടെ രംഗത്തെത്തി. മൂന്ന് പേര്‍ കൊല്ലപ്പെട്ടെങ്കിലും ഇത് തങ്ങളുടെ അവസാനത്തെ അക്രമം അല്ലെന്നും സൈറ്റിലൂടെ മുന്നറിയിപ്പ് നല്‍കുന്നുണ്ട്. ഐഎസിന്റെ ഇസ്രയേലിലെ ആദ്യ ആക്രമണമാണിത്.
ആക്രമണം നടത്തിയത് വെസ്റ്റ് ബാങ്കില്‍ നിന്നുള്ള പാലാസ്തീനിയന്‍കാരാണെന്ന് പോലീസ് തിരിച്ചറിഞ്ഞിട്ടുണ്ട്. റംസാന്‍കാലമായതിനാല്‍ വെസ്റ്റ് ബാങ്കില്‍ നിന്നുള്ള പാലസ്തീനിയന്‍ കാര്‍ക്ക് നിയന്ത്രണം ഏര്‍പ്പെടുത്തിയിരുന്നു.
Post Your Comments