പ്രധാനമന്ത്രിയുടെ സന്ദേശ് ഫോർ സോൾജിയേഴ്സിനു ഐക്യദാർഢ്യം; ലുലു മാളിന് ഗിന്നസ് റെക്കോർഡ്

കൊച്ചി: പ്രധാനമന്ത്രിയുടെ സന്ദേശ് ഫോർ സോൾജിയേഴ്സിനു ഐക്യദാർഢ്യം ലുലു മാളിനെ ഗിന്നസ് റെക്കോഡിലെത്തിച്ചു. 30 സെക്കൻഡിൽ 1,500 മൺചിരാതുകൾ തെളിയിച്ചതാണ് ലുലു മാൾ ഇന്ത്യൻ സൈനികരോടുള്ള പിന്തുണ അറിയിച്ചത്. ഒരു വേദിയിൽ ഏറ്റവും കൂടുതൽ എണ്ണവിളക്കുകൾ തെളിയിച്ചതിനാണ് റെക്കോർഡ്. ഇതോടെ ലോകറെക്കോർഡ് നേടുന്ന ഇന്ത്യയിലെ ആദ്യത്തെ മാളായി ലുലു മാറി.

പ്രധാനമന്ത്രി നരേന്ദ്ര മോദിയുടെ “സന്ദേശ് ഫോർ സോൾജിയേഴ്സ്” എന്ന ദീപാവലി പ്രചാരണത്തിന് ഐക്യദാർഢ്യം പ്രഖ്യാപിച്ച് കഴിഞ്ഞ വർഷം ഒക്ടോബറിൽ ലുലു മാളിലെ ജീവനക്കാരും മാനേജ്മെന്റും ചേർന്നാണ് മൺചെരാതുകൾ തെളിയിച്ചത്.