പെട്രോൾ പമ്പ് സമരം പിൻവലിച്ചു

ന്യൂഡൽഹി: ​ദിവസേന ഇന്ധനവില പുതുക്കി നിശ്ചയിക്കാനുള്ള കേന്ദ്രസർക്കാർ തീരുമാനത്തിൽ പ്രതിഷേധിച്ച്​ വെള്ളിയാഴ്ച നടത്താനിരുന്ന സമരം പമ്പുടമകൾ പിൻവലിച്ചു.പെ​ട്രോ​ളി​യം മ​ന്ത്രി ധ​ർ​മേ​ന്ദ്ര പ്ര​ധാ​നു​മാ​യി ന​ട​ന്ന ച​ർ​ച്ച​യെ തു​ട​ർ​ന്നാ​ണ് തീ​രു​മാ​നം. അർദ്ധരാത്രി 12 മുതൽ വില വർദ്ധന നിലവിൽ വരുന്നത്​ പ്രശ്‌നം സൃഷ്ടിക്കുമെന്ന് ചൂണ്ടിക്കാട്ടിയാണ് സമരം നടത്താൻ ഉദ്ദേശിച്ചിരുന്നത്.

എന്നാൽ ചർച്ചയിൽ പമ്പുടമകളുടെ ആവശ്യം സർക്കാർ അംഗീകരിച്ചതോടെയാണ് സമരം പിൻവലിക്കുന്നത്.
വില പരിഷ്കരണം നടപ്പിലാക്കാനുള്ള പുതിയ സമയക്രമം പമ്പുടമകൾ അംഗീകരിച്ചതായും, വെള്ളിയാ​ഴ്ച മുതൽ തന്നെ പ്രതിദിനം ഇന്ധനവില പരിഷ്​കരിക്കുന്ന പദ്ധതി ആരംഭിക്കുമെന്നും മന്ത്രി ധർമേ​ന്ദ്ര പ്രധാൻ വ്യക്തമാക്കി.