ഉപഭോതാക്കള്‍ക്കായി പ്രത്യേക ഓഫറുമായി ജിയോ

ന്യൂഡല്‍ഹി: റിലയന്‍സിന്റെ സ്മാര്‍ട്ട് ഫോണായ ലൈഫ് ഉപയോഗിക്കുന്നവര്‍ക്ക് പ്രത്യേക ഓഫറുമായി ജിയോ. 6,600 രൂപക്കും 9,700 രൂപക്കും മധ്യേ ഉള്ള ലൈഫ് ഫോണ്‍ ഉപയോഗിക്കുന്നവര്‍ക്ക് 20 ശതമാനം അധിക ഡാറ്റയാണ് ഓഫർ . അതായത് ദിനംപ്രതി ഒരു ജി ബി ലഭിക്കുന്ന പ്ലാന്‍ ലൈഫിലാകുമ്പോള്‍ 1.2 ജി ബി ആയി മാറും.

ലൈഫ് ഫോണുകളുടെ വില്‍പന ഇടിഞ്ഞതോടെയാണ് ജിയോ ഓഫര്‍ പ്രഖ്യാപിച്ചിരിക്കുന്നത്. ലൈഫ് 4ജി ഫോണുകള്‍ വിപണിയിൽ തരംഗമായിരുന്നെങ്കിലും പിന്നീട് ഇതിന്റെ വിൽപ്പന ഇടിഞ്ഞു.