ന്യൂഡല്‍ഹി : ഓള്‍ ടൈം ലോ ഓഫറുമായി ഇന്‍ഡിഗോ. 2017 ജൂലൈ ഒന്നുമുതല്‍ 2017 സെപ്തംബര്‍ 31 വരെയുള്ള കാലയളവിലുള്ള യാത്രകള്‍ക്ക് ജൂണ്‍ 14 വരെയാണ് ടിക്കറ്റുകള്‍ ബുക്ക് ചെയ്യാന്‍ കഴിയുക. ഓള്‍ ടൈം ലോ എന്ന് പേരിട്ടിരിക്കുന്ന പ്രമോഷണല്‍ ഓഫറിന് കീഴിലാണ് കമ്പനി 899 രൂപ മുതലുള്ള ടിക്കറ്റ് ബുക്കിംഗ് ആരംഭിച്ചിട്ടുള്ളത്. എന്നാല്‍ പരിമിതമായ റൂട്ടുകളില്‍ മാത്രമായിരിക്കും ഓഫര്‍ ലഭിക്കുകയെന്ന് എയര്‍ലൈന്‍ വ്യക്തമാക്കിയിട്ടുണ്ട്.
അഗര്‍ത്തല, അഹമ്മദാബാദ്, അമൃത്സര്‍, ബഗ്‌ദോഗ്ര, ബെംഗളൂരു, ഭുവനേശ്വര്‍, ചണ്ഡിഗഡ്, ചെന്നൈ, കോയമ്പത്തൂര്‍, ഡെറാഡൂണ്‍, ഡല്‍ഹി, ദിബ്രുഗര്‍, ഗോവ, ഗുവാഹത്തി, ഹൈദരാബാദ്, ഇംഫാല്‍, ഇന്‍ഡോര്‍, മണിപ്പൂര്‍, ജെയ്പൂര്‍, ജമ്മു കശ്മീര്‍, കൊല്‍ക്കത്ത, ലഖ്‌നൊ, മധുരൈ, മംഗളൂരു, മുംബൈ, ഉദയ്പൂര്‍, നാഗ്പൂര്‍, പോര്‍ട്ട്‌ബ്ലെയര്‍, റായ്പൂര്‍, ശ്രീനഗര്‍, റാഞ്ചി, വഡോധര, റാഞ്ചി, വിശാഖപട്ടണം എന്നിവിടങ്ങളില്‍ നിന്നുള്ള നോണ്‍ സ്റ്റോപ്പ് വിമാനങ്ങള്‍ക്കാണ് ഓഫര്‍ ബാധകമായിട്ടുള്ളത്.
കേരളത്തില്‍, കൊച്ചി, കോഴിക്കോട്, തിരുവനന്തപുരം എന്നിവിടങ്ങളില്‍ നിന്ന് പുറപ്പെടുന്ന നോണ്‍ സ്റ്റോപ്പ് വിമാനങ്ങളിലായിരിക്കും ഈ ഓഫര്‍ ലഭ്യമാകുക. ഇന്‍ഡിഗോയുടെ എല്ലാ പ്ലാറ്റ്‌ഫോമുകളിലും ടിക്കറ്റ് ബുക്ക് ചെയ്യാനുള്ള സൗകര്യമുണ്ടായിരിക്കും. ബഗ്‌ദോഗ്ര- ഗുവാഹത്തി (899 രൂപ), ബെംഗളൂരു- ഡല്‍ഹി(2,999രൂപ) എന്നിങ്ങനെയാണ് വെബ്‌സൈറ്റില്‍ നല്‍കിയിട്ടുള്ള ടിക്കറ്റ് നിരക്ക്.
Post Your Comments