ഐഡിയ വമ്പന്‍ ഓഫറുകളുമായി ഉപഭോക്താക്കളെ സന്തോഷിപ്പിക്കാന്‍ രംഗത്ത്

മുംബൈ: ജിയോയെയും വോഡഫോണിനെയും കടത്തിവെട്ടാന്‍ ഐഡിയ എത്തുന്നു. റംസാന്‍ സ്‌പെഷ്യല്‍ ഓഫറുമായാണ് ഐഡിയ എത്തിയത്. 396 രൂപക്ക് 70 ദിവസത്തേക്ക് 70 ജിബി ഡാറ്റയാണ് ഐഡിയ നല്‍കുന്നത്. കൂടെ വോയ്‌സ് കോളും ഉണ്ട്.

786 രൂപയ്ക്ക് 25 ജിബി 4ജി ഡാറ്റ എന്നതായിരുന്നു വോഡഫോണിന്റെ പെരുന്നാള്‍ സമ്മാനം. 3 ജി ഉപഭോക്താക്കള്‍ക്കാണ് ഐഡിയയുടെ ഈ പുതിയ ഓഫര്‍ ലഭ്യമാകുക. ഐഡിയയില്‍ നിന്നും ഐഡിയയിലേക്ക് ദിവസം 300 മിനിറ്റ് ലോക്കല്‍/എസ്റ്റിഡി കോളാണ് പുതിയ ഓഫര്‍ നല്‍കുന്നത്. ആഴ്ചയില്‍ 1,200 മിനിറ്റും. ഈ പരിധി കഴിഞ്ഞാല്‍ മിനിറ്റിന് 30 പൈസ വെച്ച് ഈടാക്കും.

ഐഡിയയില്‍ നിന്നും മറ്റ് നെറ്റ്‌വര്‍ക്കുകളിലേക്ക് 3000 മിനിറ്റ് ലോക്കല്‍/എസ്റ്റിഡി കോളുകളും ഈ ഓഫര്‍ പ്രകാരം ലഭിക്കും. ഒരു ദിവസം ഒരു ജിബിയില്‍ കൂടുതല്‍ ഉപയോഗിച്ചാല്‍ അധിക ചാര്‍ജ് ഈടാക്കും.