നാലു ചൈനീസ് യുദ്ധക്കപ്പലുകൾ കറാച്ചി തീരത്ത്

ന്യൂഡൽഹി: നാലു ചൈനീസ് യുദ്ധക്കപ്പലുകൾ പാക്ക് തീരത്തെത്തി. നാലു ദിവസത്തെ പരിശീലനത്തിനും മറ്റുമായിട്ടാണ് ചൈനീസ് കപ്പലുകൾ കറാച്ചി തുറമുഖത്തെത്തിയത്. ഇക്കഴിഞ്ഞ ശനിയാഴ്ചയാണ് കപ്പലുകൾ കറാച്ചിയിലെത്തിയതെന്ന് ചൈനയുടെ ഔദ്യോഗിക വാർത്താ ഏജൻസി റിപ്പോർട്ട് ചെയ്തു.

‘‘ ഈ സന്ദർശനം ഇരുരാജ്യങ്ങളും തമ്മിലുള്ള പരസ്പര ധാരണ വളർത്താനും പരസ്പര വിശ്വാസം ഊട്ടി ഉറപ്പിക്കാനും സഹായിക്കും. നാവികസേനകൾ തമ്മിലുള്ള ആശയവിനിമയം മേഖലയിൽ സ്ഥിരത കൊണ്ടുവരുന്നതിനും കാരണമാകും. ഇതുവഴി ലോകസമാധാനത്തിനും പരസ്പര വളർച്ചയ്ക്കുള്ള അവസരവും ഉണ്ടാകുമെന്നും’’ ചൈനീസ് പീപ്പിൾസ് ലിബറേഷൻ ആർമി കമാൻഡർ സഹൻ ഹൂ പറഞ്ഞു.