ജമ്മു കാശ്മീര്‍ ; നുഴഞ്ഞു കയറാന്‍ ശ്രമം ഭീകരനെ സൈന്യം വധിച്ചു. ജമ്മു കാശ്മീരിലെ പൂഞ്ചിൽ വിഘടനവാദികൾ ആഹ്വാനം ചെയ്ത 48 മണിക്കൂര്‍ ബന്ദിനിടെ നുഴഞ്ഞു കയറാന്‍ ശ്രമിച്ച ഭീകരനെയാണ് സൈന്യം വധിച്ചത്.ഇന്ന് പുലര്‍ച്ചെയായിരുന്നു സംഭവം. പൂഞ്ചിലെ കൃഷ്ണഘാട്ടി മേഖലയിൽ ഭീകരര്‍ക്കായുള്ള തെരച്ചിൽ സൈന്യംശക്തമാക്കി. നുഴഞ്ഞുകയറാൻ ശ്രമിച്ച ഏഴാമത്തെ ഭീകരനെയാണ് രണ്ടു ദിവസത്തിനിടെ സൈന്യം വധിക്കുന്നത്.
ഹിസ്ബുൾ മുജാഹിദ്ദീന്‍ കമാൻഡര്‍ ബുര്‍ഹാൻ വാനിയുടെ പിൻഗാമി സബ്സര്‍ അഹമ്മദ് ഭട്ടിന്‍റെ മരണത്തെത്തുടര്‍ന്നുണ്ടായ സംഘര്‍ഷത്തിൽ ഒരു നാട്ടുകാരൻ മരിച്ചിരുന്നു. ഇതിനെ തുടർന്നാണ് വിഘടനവാദി സംഘടനകൾ ജമ്മു കാശ്മീരിൽ 48 മണിക്കൂര്‍ ബന്ദിന് ആഹ്വാനം ചെയ്തത്. ഇതിനെ തുടർന്ന് സംസ്ഥാനത്തെ ഏഴിടങ്ങളിൽ നിരോധനാജ്ഞ പ്രഖ്യാപിച്ചു.
മൻ കി ബാത്ത് റേഡിയോ പ്രഭാഷണ പരിപാടിയിൽ സമാധാനത്തിനായി ഒരു മനസ്സോടെ പരിശ്രമിക്കണമെന്ന്പ്രധാനമന്ത്രി നരേന്ദ്രമോദി ആവശ്യപ്പെട്ടു.
Post Your Comments