റമസാനിൽ ദുബായ് റസിഡൻസി കാര്യാലയങ്ങളുടെ പ്രവർത്തനസമയം ഇങ്ങനെ

ദുബായ്: ദുബായിയിൽ റമസാൻ സമയത്തെ റസിഡൻസി കാര്യാലയങ്ങളുടെ പ്രവർത്തനസമയം നിർണയിച്ചു ഉത്തരവിറക്കി. 9 മണി മുതൽ 6 മണി വരെയാണ് ആദ്യത്തെ പ്രവർത്തന സമയം. രാത്രി 10 മണി മുതൽ രണ്ട് ശാഖകൾ മാത്രമായിരിക്കും പ്രവർത്തിക്കുക. 9 മണി മുതൽ 6 മണി വരെയുള്ള സമയങ്ങളിൽ ഷിഫ്റ്റ് അടിസ്ഥാനത്തിലായിരിക്കും ഉദ്യോഗസ്ഥർ ജോലി ചെയ്യുക. ഞായർ മുതൽ വ്യാഴം വരെയുള്ള ദിവസങ്ങളിൽ ഈ സമയത്ത് എല്ലാവിധ അപേക്ഷകളും അൽ ജാഫിലിയയിലുള്ള ഓഫീസുകളിൽ സ്വീകരിക്കുമെന്ന് അധികൃതർ വ്യക്തമാക്കി.

അതേസമയം ദുബായ് എയർപോർട്ടിൽ പ്രവർത്തിക്കുന്ന കാര്യാലയങ്ങളുടെ സമയക്രമത്തിൽ മാറ്റമില്ലെന്നും ഇവ 24 മണിക്കൂറും പ്രവർത്തിക്കുമെന്നും അധികൃതർ അറിയിച്ചു. കൂടാതെ കൂടുതൽ വിവരങ്ങൾ അറിയാനായി 8005111 എന്ന നമ്പറിലും ബന്ധപ്പെടാവുന്നതാണ്.