ഫോര്‍ട്ട് കൊച്ചിയിൽ പാലത്തിന് സമീപം രണ്ടു മൃതദേഹങ്ങള്‍ കണ്ടെത്തി

കൊച്ചി: ഫോര്‍ട്ട് കൊച്ചി കല്‍വാത്തി പാലത്തിനു സമീപം രണ്ടു മൃതദേഹങ്ങള്‍ കണ്ടെത്തി. പുരുഷന്റെയും സ്ത്രീയുടെയും മൃതദേഹങ്ങളാണ് കണ്ടെത്തിയിരിക്കുന്നത്. കൈകള്‍ ഷാള്‍ കൊണ്ട് കൂട്ടിക്കെട്ടിയ നിലയിലാണ് രണ്ട് മൃതദേഹങ്ങളും.

മൃതദേഹങ്ങള്‍ക്ക് അഞ്ചു ദിവസം പഴക്കമുണ്ടെന്നാണ് പോലീസ് നിഗമനം. മൃതദേഹങ്ങള്‍ തുടര്‍നടപടികള്‍ക്കായി ആശുപത്രിയിലേക്ക് മാറ്റി. സംഭവത്തില്‍ അന്വേഷണം ആരംഭിച്ചിട്ടുണ്ട്.