സര്‍ക്കസ് പ്രദര്‍ശനത്തിനിടെ സിംഹം ആക്രമിച്ചു; പരിശീലകന്‍ ഗുരുതരാവസ്ഥയില്‍- ദൃശ്യങ്ങള്‍

പാരീസ്: സര്‍ക്കസ് പ്രദര്‍ശനത്തിനിടെ സിംഹം കടിച്ചുവലിച്ചതിനെ തുടര്‍ന്ന് പരിശീലകന് ഗുരുതര പരിക്ക്. ഫ്രാന്‍സിലാണ് സംഭവം. സര്‍ക്കസ് കാണാനെത്തിയ ഒരാള്‍ ചിത്രീകരിച്ച വീഡിയോ ദൃശ്യങ്ങള്‍ ഫേയ്‌സ് ബുക്കില്‍ അതിവേഗം പ്രചരിക്കുകയാണ്.

സര്‍ക്കസ് തുടരുന്നതിനിടെ സിംഹം പരിശീലകന്റെ കഴുത്തില്‍ കടിച്ചു വലിക്കുകയായിരുന്നു. സംഭവം കണ്ട് കാണികള്‍ പരിഭ്രാന്തരായി ഓടുന്നതും ദൃശ്യങ്ങളിലുണ്ട്.

പരിശീലകനെ സിംഹം ആക്രമിക്കുന്നത് കണ്ട് സര്‍ക്കസിലെ മറ്റ് അംഗങ്ങള്‍ സിംഹത്തിന്റെ നേര്‍ക്ക് സ്േ്രപ ചീറ്റിച്ചാണ് സിംഹത്തെ പിന്‍തിരിപ്പിച്ചത്.

ഹെലികോപ്റ്ററില്‍ ആശുപത്രിയിലേക്ക് കൊണ്ടുപോയ പരിശീലകന്റെ നില ഗുരുതരമായി തുടരുകയാണ്.
https://www.facebook.com/sevda.coiffure.80.somme/videos/252887395180960/