കശ്മീര്‍: കശ്മീരില്‍ ഭീകരര്‍ ബാങ്ക് കൊള്ളയടിക്കുന്ന പശ്ചാത്തലത്തില്‍ 40 ഓളം ബ്രാഞ്ചുകളിലെ പണമിടപാടുകള്‍ നിര്‍ത്തിവയ്ക്കാന്‍ ജമ്മു കശ്മീര്‍ ബാങ്കിന്റെ തീരുമാനം. അതേസമയം പോലീസിന്റെ നിര്‍ദേശപ്രകാരമാണ് ഇടപാടുകള്‍ നിര്‍ത്തിവയ്ക്കുന്നതെന്ന് ബാങ്കിന്റെ കോര്‍പറേറ്റ് കമ്യൂണിക്കേഷന്‍ മേധാവി സജാദ് ബസാര്‍ പറഞ്ഞു.
ചൊവ്വാഴ്ച കുല്‍ഗാമില്‍ ബാങ്കിലെ പണവുമായി പോയ വാന്‍ ആക്രമിച്ച്‌ അഞ്ചു പോലീസുകാരെയും രണ്ടു ബാങ്ക് ജീവനക്കാരെയും ഭീകരര്‍ കൊലപ്പെടുത്തിയിരുന്നു. തെക്കന്‍ കശ്മീരില്‍ ഈ ആഴ്ച ഭീകരര്‍ നാലു ബാങ്കുകളാണ് കൊള്ളയടിച്ചത്.
Post Your Comments