ഫിഫാ റാങ്കിങ് : മികച്ച നേട്ടം കൈവരിച്ച് ഇന്ത്യ

ന്യൂ ഡൽഹി : ഫിഫ റാങ്കിങ്ങിൽ മികച്ച നേട്ടം കൈവരിച്ച് ഇന്ത്യ. 21 വർഷത്തിനുശേഷം പട്ടികയിൽ ആദ്യമായി 100-ാം സ്ഥാനം ഇന്ത്യ കരസ്ഥമാക്കി. സൗഹൃദ മത്സരങ്ങളിൽ കംബോഡിയയെ പരാജയപ്പെടുത്തിയും ഏഷ്യാ കപ്പ് യോഗ്യതാ മത്സരത്തിൽ മ്യാൻമാറിനെ പരജയപ്പെടുത്തിയുമാണ് 101-ാം റാങ്കിൽ നിന്നും 100-ാംറാങ്കിലേക്ക് ഇന്ത്യ എത്തിയത്.

1996 ഫെബ്രുവരിയിലായിരുന്നു റാങ്കിങ്ങിൽ ഇന്ത്യ മികച്ച മുന്നേറ്റം നടത്തിയത്. 94-ാം റാങ്ക് ഇന്ത്യ അന്ന്‍ സ്വന്തമാക്കി. 1993 നവംബറിൽ 99-ാം സ്ഥാനത്തും ഒക്ടോബറിൽ 100-ാം സ്ഥാനത്തും ഇന്ത്യ എത്തിയിട്ടുണ്ട്. 2015 മാർച്ചിൽ 173 ആയിരുന്നു ഇന്ത്യയുടെ റാങ്കിങ്.