ഹൈദരാബാദ്•പ്രമുഖ തെലുങ്ക് സീരിയന്‍ നടന്‍ പ്രദീപ്‌ കുമാര്‍ ജീവനൊടുക്കി. ബുധനാഴ്ചയാണ് അളകാപുരി കോളനിയിലെ വസതിയില്‍ അദ്ദേഹത്തെ ജീവനൊടുക്കിയ നിലയില്‍ കണ്ടെത്തിയത്.
ഭാര്യയും പ്രദീപിന്റെ ഒരു സുഹൃത്തുമാണ് 29 കാരനായ നടനെ വീടിനുള്ളില്‍ സീലിംഗ് ഫാനില്‍ തൂങ്ങിയനിലയില്‍ കണ്ടെത്തിയത്. ഉടന്‍ തന്നെ അഴിച്ചിറക്കി ആശുപത്രിയില്‍ എത്തിച്ചെങ്കിലും ഡോക്ടമാര്‍ മരണം സ്ഥിരീകരിക്കുകയായിരുന്നുവെന്ന് നാര്‍സിംഗി പോലീസ് സ്റ്റേഷന്‍ ഇന്‍സ്പെക്ടര്‍ പി.രാമചന്ദര്‍ റാവു പറഞ്ഞു.
മൃതദേഹത്തില്‍ പരിക്കുകളൊന്നും കണ്ടെത്തിയിട്ടില്ല. പോസ്റ്റ്‌മോര്‍ട്ടത്തിന് ശേഷമേ മരണകാരണം വ്യക്തമാകുകയുള്ളൂവെന്ന് പോലീസ് പറഞ്ഞു. സി.ആര്‍.പി.സി 174 വകുപ്പ് പ്രകാരം പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
Post Your Comments