മൂന്നാറിന്റെ സ്വന്തം മണിയാശാന്റെ പ്രസ്‌താവന; ഒരു മാപ്പ് പറച്ചിലിൽ ഒതുങ്ങുമോ

കാലങ്ങളായി അനുഭവിച്ചു വന്ന ദുരിതവും കഷ്ടപ്പാടും സഹിച്ചു മടുത്തപ്പോഴാണ് മൂന്നാര്‍ തേയിലത്തോട്ടങ്ങളിലെ സ്ത്രീത്തൊഴിലാളികള്‍ സമരത്തിനിറങ്ങിയത്. ദിവസങ്ങളോളം നീണ്ടു നിന്ന സമരത്തിന്റെ സമയത്ത് അവിടെ കാട്ടിലായിരുന്നു പരിപാടിയെന്ന് ആക്ഷേപിക്കാൻ തക്കവണ്ണം ഒരു മന്ത്രി തരം താണിരിക്കുന്നു. മൂന്നാറുകാർ എം.എം മണിയെ വിളിക്കുന്നത് ആശാൻ എന്നാണ്. ആ ആശാന്റെ ഭാഗത്ത് നിന്നും ഇങ്ങനെയുള്ള വാക്കുകൾ ആരും തന്നെ പ്രതീക്ഷിച്ചുകാണില്ല എന്ന് വേണം പറയാൻ. മൂന്നാര്‍ ഒഴിപ്പിക്കലുമായി ബന്ധപ്പെട്ട് ഇടുക്കി സബ് കളക്ടര്‍ ശ്രീറാം വെങ്കിട്ടരാമനെ അധിക്ഷേപിച്ചതിനു പിന്നാലെ ആയിരുന്നു പൊമ്പളെ ഒരുമെ സമരത്തിനെതിരെ മന്ത്രി തിരിഞ്ഞത്. കേരളത്തിലെ മൊത്തം സ്ത്രീകളെ അപമാനിക്കുന്ന തരത്തിലുള്ള പ്രസ്താവനയാണ്‌ മറ്റുള്ളവർക്ക് വഴികാട്ടിയാകേണ്ട ഒരു മന്ത്രിയിൽ നിന്നും പുറത്ത് വന്നിരിക്കുന്നത്. കേവലം ഒരു മാപ്പ് പറച്ചിലിൽ ഒതുങ്ങുമോ ഈ കളിയെന്ന് കാത്തിരുന്ന്  തന്നെ കാണണം.