കൊൽക്കത്ത : റോബിൻ ഉത്തപ്പയുടെ അര്‍ദ്ധ സെഞ്ചുറിയിൽ കൊൽക്കത്ത നൈറ്റ് റൈഡേഴ്സിനു ജയം. സൺറൈസേഴ്സ് ഹൈദരബാദിനെതിരെ 17 റൺസ് വിജയമാണ് കൊൽക്കത്ത സ്വന്തമാക്കിയത്. ആദ്യ ബാറ്റിങ്ങിനിറങ്ങിയ കൊൽക്കത്ത ഉയർത്തിയ 173 റൺസ് വിജയലക്ഷ്യം പിന്തുടർന്ന സൺറൈസേഴ്സിന് നിശ്ചിത 20 ഓവറിൽ ആറു വിക്കറ്റിന് 155 റൺസ് എടുക്കാനേ സാധിച്ചതൊള്ളൂ.
റോബിന്‍ ഉത്തപ്പയുടെ വെടിക്കെട്ട് ബാറ്റിങ്ങിന്റെ ബലത്തിലാണ് ഉത്തപ്പ ഭേദപ്പെട്ട സ്കോർ കണ്ടെത്തിയത്. ഉത്തപ്പ 39 പന്തില്‍ അഞ്ചു ഫോറും നാല് സിക്‌സറുകളും ഉൾപ്പെടെ 68 റണ്‍സ് സ്വന്തമാക്കിയപ്പോൾ 35 പന്തില്‍ 46 റണ്‍സെടുത്ത മനീഷ് പാണ്ഡെയുടെ ഇന്നിംഗ്സും കൊൽക്കത്തയ്ക്ക് നിര്‍ണായകമായി.
Post Your Comments