ഇന്‍റര്‍നെറ്റ് ടിവിയുമായി എയർടെൽ

ഇന്‍റര്‍നെറ്റ് ടിവിയുമായി എയർടെൽ. ഇന്‍റര്‍നെറ്റ് സൗകര്യത്തോടു കൂടി ആന്‍ഡ്രോയ്ഡില്‍ പ്രവര്‍ത്തിക്കുന്ന സെറ്റ് ടോപ്പ് ബോക്സാണ് എയർടെൽ അവതരിപ്പിച്ചിരിക്കുന്നത്. സ്മാര്‍ട്ട് ടിവിയുമായി ഇതിനെ കണക്ട് ചെയ്യാവുന്നതാണ്. സെറ്റ് ടോപ്പ് ബോക്സിന്‍റെ വില അടക്കം മൂന്നുമാസത്തേക്കുള്ള സബ്സ്ക്രിപ്ഷന് 4,999യും, ഒരു വര്‍ഷത്തേ സബ്സ്ക്രിപ്ഷന് 7,999 രൂപയുമാണ് ചിലവ്. കൂടാതെ നെറ്റ്ഫ്ലിക്സ്, ആമസോണ്‍ പ്രൈം, ക്രോംകാസ്റ്റ് എന്നിവയിലെ കണ്ടന്‍റ് ടിവിയിലേക്ക് ഇതുവഴി ലഭിക്കും

ഓണ്‍ലൈന്‍, ഓഫ് ലൈന്‍ കണ്ടന്‍റുകളായിരിക്കും ഏയര്‍ടെല്‍ ഇന്‍റര്‍നെറ്റ് ടിവി വഴി സാധ്യമാക്കുക എന്ന് ഏയര്‍ടെല്‍ ഡിടിഎച്ച് മേധാവി സുനില്‍ ടാല്‍ഡര്‍ അറിയിച്ചു. തങ്ങളുടെ നെറ്റ് വര്‍ക്കിലൂടെ കൂടുതല്‍ ഇന്‍റര്‍നെറ്റ് വീഡിയോ വ്യൂ വർദ്ധിപ്പിക്കുക എന്നതാണ് ലക്ഷ്യമെന്നും അദ്ദേഹം പറഞ്ഞു, ഏപ്രില്‍ 13 മുതല്‍ ആമസോണ്‍ വഴി വില്‍പ്പന ആരംഭിച്ച ഈ സെറ്റ് ടോപ്പ് ബോക്സ് എയര്‍ടെല്‍ ഓഫ് ലൈന്‍ സ്റ്റോറുകളില്‍ നിന്നും വാങ്ങാൻ സാധിക്കുന്നതാണ്. അടുത്തമാസം ഫ്ലിപ്പ്കാര്‍ട്ടിലൂടെയും മറ്റ് സൈറ്റുകളിലൂടെയും ഈ സെറ്റ് ടോപ്പ് ബോക്സിന്‍റെ വില്‍പ്പന ആരംഭിക്കും.