കാസര്‍കോട് : പൊതുസ്ഥലത്ത് മദ്യപിച്ചതിന് കസ്റ്റഡിയിലെടുത്ത യുവാവ് പൊലീസ് ജീപ്പില്‍ കുഴഞ്ഞുവീണു മരിച്ചു. കാസര്‍കോട് നഗരത്തിലെ ഓട്ടോ ഡ്രൈവര്‍ ചൗക്കി സി.പി.സി.ആര്‍.ഐ ക്വാര്‍ട്ടേഴ്‌സില്‍ താമസിക്കുന്ന സന്ദീപ് (28) ആണ് മരിച്ചത്. പതിവായി വയലില്‍ ഒത്തുകൂടി മദ്യപിക്കുന്ന സംഘം കൃഷി ഉദ്യോഗസ്ഥരെ അസഭ്യം പറയുന്നതായി പരാതി ലഭിച്ചതിനെ തുടര്‍ന്നാണ് ടൗണ്‍ എസ്ഐയുടെ നേതൃത്വത്തിലുള്ള പൊലീസ് എത്തിയത്. സന്ദീപിന്റെ കൂടെയുണ്ടായിരുന്ന മൂന്നുപേരെ അറസ്റ്റ് ചെയ്തു.
പൊലീസ് സംഘത്തെ കണ്ട് ഓടി രക്ഷപ്പെടാന്‍ ശ്രമിച്ച സന്ദീപിനെ പിന്തുടര്‍ന്ന് പിടികൂടുകയായിരുന്നു. ജീപ്പില്‍ കയറ്റുന്നതിനിടെ കുഴഞ്ഞു വീണ യുവാവിനെ ആശുപത്രിയിലെത്തിച്ചപ്പോഴേക്കും മരിച്ചു. ഹൃദയാഘാതമാണ് മരണ കാരണമെന്ന് സംശയിക്കുന്നതായി പൊലീസ് പറഞ്ഞു.
Post Your Comments