ശ്രീനഗര്‍: കശ്മീരില്‍ പെട്ടെന്നുണ്ടായ ഹിമപാതത്തില്‍ അഞ്ച് സൈനികര്‍ അപകടത്തില്‍പെട്ടു. ഹിമപാതത്തില്‍ സൈനിക പോസ്റ്റ് തകര്‍ന്നാണ് അപകടം. അഞ്ച് പേര്‍ മഞ്ഞിനടിയില്‍പെടുകയായിരുന്നു. ഇവരില്‍ രണ്ടു പേരെ രക്ഷപ്പെടുത്തി. മൂന്നുപേരെ കാണാനില്ലെന്നാണ് വിവരം.
ലഡാക്കിലെ ബടാലിക് സെക്ടറില്‍ അതിര്‍ത്തി സുരക്ഷയ്ക്കായി ഒരുക്കിയ സൈനിക പോസ്റ്റിനു മുകളിലേക്കാണ് മഞ്ഞിടിഞ്ഞുവീണത്. കാണാതായവര്‍ക്കായുള്ള തെരച്ചില്‍ തുടരുകയാണ്. തെരച്ചിലിനായി പ്രത്യേകം പരിശീലനം ലഭിച്ച ഹിമപാത രക്ഷാടീമിനെ നിയോഗിച്ചിട്ടുണ്ട്.
നേരത്തെ തന്നെ ഹിമപാതം ഉണ്ടാകുമെന്ന മുന്നറിയിപ്പുണ്ടായിരുന്നു. കാര്‍ഗില്‍ മേഖലയിലുള്ളവര്‍ കൂടുതല്‍ മുന്‍കരുതല്‍ സ്വീകരിക്കണമെന്നും നിര്‍ദ്ദേശമുണ്ട്.
Post Your Comments