ദുബായ്: പ്രശ്‌നക്കാരെ നേരിടാന്‍ ദുബായ് പോലീസ് നടത്തുന്ന പ്രവര്‍ത്തനം എല്ലാവരെയും അമ്പരിപ്പിച്ചു. ദുബായ് പോലീസ് സംഭവത്തിന്റെ വീഡിയോ സോഷ്യല്‍ മീഡിയയില്‍ ഇട്ടതോടെ വൈറലുമായി. സൈക്കിള്‍ ഉപയോഗിച്ചായിരുന്നു പ്രശ്‌നക്കാരെ കൈകാര്യം ചെയ്തത്. വ്യത്യസ്തമായ പ്രകടനമാണ് ദുബായ് പോലീസ് കാഴ്ചവെച്ചത്.
ഒരു ഗ്രൗണ്ടില്‍ ഒരു സംഘം ഉദ്യോഗസ്ഥര്‍ പ്രകടനം നടത്തുന്നത് വീഡിയോയില്‍ കാണാം. കറുത്ത സുരക്ഷാ കവചം ധരിച്ച പോലീസ് വ്യത്യസ്ത നിറത്തിലുള്ള ജംബ്‌സ്യൂട്ട് ധരിച്ചവരെയാണ് നേരിടുന്നത്. സൈക്കിള്‍ പട്രോളിങാണ് പിന്നീട് നടന്നത്.
വീഡിയോയില്‍ കാണുന്നതിങ്ങനെ.. പോലീസ് ഉദ്യോഗസ്ഥര്‍ അവരവരുടെ സ്ഥാനങ്ങളില്‍ നിലയുറപ്പിക്കുന്നു, മിനുട്ടുകള്‍ക്കകം അവര്‍ ഗ്രൗണ്ട് ചുറ്റും വളയുകയാണ്. അടുത്ത നിമിഷം പോലീസ് പ്രതിഷേധക്കാര്‍ക്കുനേരെ തിരിയുകയാണ്. സൈക്കിള്‍ ഉപയോഗിച്ചാണ് പ്രകടനം.
പോലീസിന്റെ ബിരുദധാരണ ചടങ്ങിനിടെയാണ് ഇങ്ങനെയൊരു പ്രകടനം നടക്കുക. അതിന്റെ മുന്നോടിയായാണ് ഈ പ്രകടനം നടന്നത്. വീഡിയോ കാണാം.
Post Your Comments