പാർലമെന്റ് കാർപാർക്കിങ് സ്ഥലത്ത് ഒവൈസി ശിവസേനാ പ്രവർത്തകനെ മർദ്ദിച്ചതായി പരാതി

ന്യൂഡൽഹി: പാർലമെന്റിന്റെ കാർപാർക്കിങ് സ്ഥലത്തുവെച്ചു എം പി ഒവൈസി ശിവസേനാ പ്രവർത്തകനെ മർദ്ദിച്ചതായി പരാതി.എ ഐ എം ഐ എം എംപി ആയ അസദുദ്ദീൻ ഒവൈസി, ശിവസേനാ പ്രവർത്തകനായ ഗോരഖ് ഗോപാൽ ഖർജുലിനെയാണ് മർദ്ദിച്ചത്.കാർപാർക്കിങ്ങിൽ വെച്ച് ഇരുവരും സൗഹൃദ സംഭാഷണത്തിലേർപ്പെടുകയും പിന്നീട് അത് വാക്ക് തർക്കമായി വഴക്കിലേക്ക് കലാശിക്കുകയുമായിരുന്നു.

തുടർന്ന് ഒവൈസി ഗോരഖിനെ മർദ്ദിക്കുകയായിരുന്നു.തന്നെ മർദ്ദിച്ച ഒവൈസി തന്നോട് മാപ്പു പോലും പറയാതെ പോകുകയായിരുന്നെന്നും സംഭവങ്ങളുടെ ദൃശ്യങ്ങൾ സി സി ടി വി ക്യാമറയിൽ പതിഞ്ഞിട്ടുണ്ടെന്നും പരിശോധിക്കണമെന്നും ആവശ്യപ്പെട്ടു.നിരവധി വിവാദ പ്രസംഗങ്ങൾ നടത്തിയ ഒവൈസിയുടെ പ്രസംഗത്തെ പറ്റിയായിരുന്നു ഇരുവരും തമ്മിൽ വാഗ്‌വാദം നടത്തിയത്.