ജയ്പുര്‍ : ജയിലില്‍ ടി.വി വേണം, കളിക്കാന്‍ വോളിബോള്‍ കോര്‍ട്ട് വേണം, ഫോണ്‍ സൗകര്യം കൂടിയേ തീരൂ- ആവശ്യപ്പെട്ട് അജ്‌മേര്‍ ജയിലില്‍ 44 തടവുകാര്‍ ആരംഭിച്ച നിരാഹാര സമരം തുടരുന്നു.
വ്യാഴാഴ്ച തുടങ്ങിയ സമരത്തിലെ 12 തടവുകാരെ ആരോഗ്യനില വഷളായതിനെ തുടര്‍ന്ന് ആശുപത്രിയിലേക്കു മാറ്റി.’കൊടുംകുറ്റവാളികളെ മാത്രം പാര്‍പ്പിക്കുന്നതാണ് ഈ ജയില്‍. ടെലിഫോണ്‍, ടിവി സൗകര്യങ്ങള്‍ അവരെ പുറംലോകവുമായി ബന്ധിപ്പിക്കുമെന്നതിനാല്‍ അനുവദിക്കാനാവില്ല’- ജയില്‍ എഡിജിപി അജിത് സിങ് പറഞ്ഞു. ജയില്‍പുള്ളികളുടെ സ്വഭാവം മാറുന്നതിനുസരിച്ച് സാധാരണ ജയിലിലേക്കു മാറ്റുകയാണ് പതിവ്. പൊതു ജയിലുകളിലുള്ള സൗകര്യം ഇവിടെ അനുവദിക്കാനാവില്ലെന്നും അജിത് സിങ് പറഞ്ഞു.
Post Your Comments