പുലിക്കായി തിരച്ചില്‍ തുടരുന്നു: കസാനക്കോട്ടയിലും പരിസരത്തും നിരോധനാജ്ഞ

കണ്ണൂര്‍: കണ്ണൂര്‍ നഗരത്തെ വിറപ്പിച്ച് എത്തിയ പുലിയെ ഇതുവരെ കണ്ടെത്താനായിട്ടില്ല. പുലിയുടെ ആക്രമണത്തില്‍ ഇതുവരെ മൂന്നുപേര്‍ക്കാണ് പരിക്കേറ്റത്. കണ്ണൂര്‍ കസാനക്കോട്ടയിലും പരിസരത്തും കളക്ടര്‍ നിരോധനാജ്ഞ പ്രഖ്യാപിച്ചു. റെയില്‍വെ പാളത്തില്‍ നിന്നും കുറ്റിക്കാട്ടിലേക്കാണ് പുലി പോയത്. പുലിക്കായുള്ള തിരച്ചില്‍ തുടരുകയാണ്.

ഏതുനിമിഷവും പുലിയുടെ ആക്രമണം ഉണ്ടാകാം എന്നാണ് അധികൃതര്‍ പറയുന്നത്. അതുകൊണ്ടുതന്നെ ആരും പുറത്തിറങ്ങരുതെന്ന് അധികൃതര്‍ നിര്‍ദേശിച്ചിട്ടുണ്ട്. സിറ്റി റോഡിലുള്ള തായത്തെരു റെയില്‍വേ ഗേറ്റിന് സമീപമാണ് പുലിയുടെ ആക്രമണമുണ്ടായത്. പരിക്കേറ്റവരെ ആശുപത്രിയില്‍ പ്രവേശിപ്പിച്ചു.