ഒരു തലമുറയുടെ ഇഷ്ട ഗെയിമായ സ്നേക്ക് ഗെയിം ഇനി ഫേസ്ബുക്കിലും

ഒരു തലമുറയുടെ ഇഷ്ട ഗെയിമായ സ്നേക്ക് ഗെയിം നോക്കിയയുടെ 3310 ഫോണിനൊപ്പം തിരിച്ചുവരുന്നതായി വാർത്തകൾ വന്നിരുന്നു. എന്നാലിപ്പോൾ സ്നേക്ക് ഗെയിം ഫേസ്ബുക്കിലും എത്തുകയാണ്. ഫേസ്ബുക്ക് മെസഞ്ചർ ഉള്ളവർക്ക് മാത്രമേ ഈ ഗെയിം കളിക്കാനാകു. എന്നാൽ ഇന്ത്യയിലെ ഫേസ്ബുക്ക് മെസഞ്ചര്‍, ഇസ്റ്റന്റ് ഗെയിം സൗകര്യം സപ്പോര്‍ട്ട് ചെയ്യാത്തതിനാൽ ഈ ഗെയിം ഇന്ത്യയിലെത്താൻ കുറച്ച് കാത്തിരിക്കേണ്ടി വരും.

ഇഴഞ്ഞു നീങ്ങിക്കൊണ്ടിരിക്കുന്ന പാമ്പിനെ നിയന്ത്രിച്ച്‌ ഇര പിടിക്കുന്നതാണ് സ്നേക്ക് ഗെയിം. വളരെ ലളിതമായ ഗെയിമാണെങ്കിലും വന്‍ ജനപ്രീതിയാണ് ഇതിന്. പുതിയ ലോഗോയും ഫീച്ചര്‍ കളറും ഉൾപ്പെടെയാണ് ഫേസ്ബുക്കിൽ ഈ ഗെയിം എത്തുക.